سری نگر//وادی کشمیر میں شدید سردیوں کا قہر جاری ہے جس دوران گزشتہ رات درجہ حرارت میں قدرے بہتری دیکھنے کو ملی ہے محکمہ موسمیات نے7کی شام سے موسم میں تبدیلی کے ساتھ ہی8اور9جنوری کو برف باری کی پیش گوئی کی ہے جبکہ جموں میں میدانی علاقوں میں بارشیں اور پہاڑی علاقوں میں برف باری کا امکان ظاہر کیا گیا ہے ۔کشمیر نیوز سروس( کے این ایس ) کے مطابق محکمہ موسمیات کی طرف سے برف و باراں کے دو مختصر مرحلوں کی پیش گوئی کے بیچ وادی کشمیر میں ٹھٹھرتی سردیوں کا راج بر قرار ہے۔متعلقہ محکمے کے ایک ترجمان کے مطابق وادی میں دو مغربی ہواؤں کی لہروں کے داخل ہونے کا امکان ہے جن کے نتیجے میں وادی میں7 جنوری سے موسم ابر آلود رہ سکتا ہے اور اس دوران8 سے9 جنوری کو برف باری ہونے کا امکان ہے۔انہوں نے کہا کہ اس کے بعد 11 سے14 جنوری تک وادی میں درمیانی درجے کی برف باری یا بارشیں متوقع ہیں یہ دوسرا مرحلہ ہوگا۔ادھر بیکن نے زوجیلا پاس کو سنیچر سے موسم کی تبدیلی کے پیش نظر سے بند رکھنے کا اعلان کیا ہے تاکہ کوئی گاڑی یا مسافر درماندہ نہ رہے انہوں نے کہا کہ یہ اعلان سرکار ی طور کی جاتی ہت۔ ادھر وادی میں مطلع ابر آلود رہنے سے شبانہ درجہ حرارت میں قدرے بہتری واقع ہوئی ہے۔اس دوران جمعہ کے روز وادی کشمیر میں شدید سردی محسوس کی گئی ہے جبکہ دن بھر سوج نظر نہیں آیا ہے۔گرمائی دارلحکومت سری نگر میں کم سے کم درجہ حرارت منفی5.5 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی6.4 ڈگری سینٹی گریڈ ریکارڈ ہوا تھا۔وادی کے شہرت یافتہ سیاحتی مقام گلمرگ میں کم سے کم درجہ حرارت منفی5.0 ڈگری سینٹی گریڈ ریکارڈ کیا گیا جہاں گذشتہ شب کا کم سے کم درجہ حرارت منفی7.5 ڈگری سینٹی گریڈ ریکارڈ ہوا تھا۔ مشہور سیاحتی مقام پہلگام میں کم سے کم درجہ حرارت منفی8.6 ڈگری سینٹی گریڈ ریکارڈ کیا گیا جہاں گذشتہ شب کا کم سے کم درجہ حرارت منفی9.2 ڈگری سینٹی گریڈ ریکارڈ ہوا تھا۔سرحدی ضلع کپوارہ میں کم سے کم درجہ حرارت منفی5.6 ڈگری سینٹی گریڈ ریکارڈ کیا گیا جہاں گذشتہ شب کا کم سے کم درجہ حرارت منفی 6.0 ڈگری سینٹی گریڈ ریکارڈ ہوا تھا۔گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت منفی5.6 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی6.2 ڈگری سینٹی گریڈ ریکارڈ ہوا تھا۔لداخ یونین ٹریٹری کے ضلع کرگل میں کم سے کم درجہ حرارت منفی18.1ڈگری سینٹی گریڈ ریکارڈ کیا گیا جبکہ ضلع لیہہ میں کم سے کم درجہ حرارت منفی14.6 ڈگری سینٹی گریڈ ریکارڈ ہوا ہے۔بتادیں کہ وادی میں شہنشاہ زمستان چالیس روزہ چلہ کلان بر سر اقتدار ہے اور اس دور حکومت21 دسمبر سے شروع ہو کر 31 جنوری کو اختتام پذیر ہوجاتا ہے۔اس کے بعد بیس روزہ چلہ خورد تخت نشین ہوجاتا ہے گرچہ اس چلہ کے دوران سردیوں کی شدت کمی واقع ہوجاتی ہے تاہم بھاری برف باری کو خارج از امکان قرار نہیں دیا جا سکتا ہے ۔ادھر محکمہ موسمیات نے پہاڑی علاقوں میں بھاری برف باری کی پیش گوئی کے بعد محکمہ موسمیات زوجیلا پاس کو سنیچر کے روز سے بند رکھنے کا اعلان کیا ہے کیوں کی موسمیات نے پہلے ہی زوجیلا اور سادھنا کے علاوہ مغل روڑ پر زیادہ برف باری کی پیش گوئی کی تھی ۔
