اس سال عید کی نماز سری نگر عیدگاہ میں ہونے کا امکان:ڈاکٹر درخشاں اندرابی

مانیٹرنگ//
سری نگر، 4 اپریل: جموں و کشمیر وقف بورڈ کی چیئر پرسن ڈاکٹر درخشاں اندرابی کا کہنا ہے کہ کشمیر میں خوشگوار ماحول کے بیچ امسال عید گاہ میں عید نماز ادا کی جائے گی۔
انہوں نے کہا کہ عید گاہ ہمارے شہر کا چہرہ ہے جس کو خوبصورت بنایا جائے گا۔
موصوف چیئر پرسن نے ان باتوں کا اظہار منگل کو عید گاہ کا دورہ کرنے کے دوران نامہ نگاروں کے ساتھ بات کرنے کے دوران کیا۔
انہوں نے کہا: ابھی موسم خراب ہی ہے ہم نے آپ سے کہا ہے کہ ہم انشااللہ اس سال عید گاہ میں عید نماز ادا کریں گے۔
ان کا کہنا تھا: آج ساری انتظامیہ یہاں موجود ہے تاکہ کشمیر میں جو خوشگوار ماحول ہے اس میں عید گاہ میں خوشیوں کے ساتھ عید نماز پڑھی جائے ہم اس کے لئے کوشاں ہیں۔
ڈاکٹر درخشاں اندرابی نے کہا کہ عید گاہ میں نماز ادا کرنے کے لئے تمام تر انتظامات کو عملی جامہ پہنایا جائے گا۔
ماضی میں عید گاہ میں عید نماز کے بعد امن و قانون کی صورت حال بگڑنے کے متعلق پوچھے جانے والے ایک سوال کے جواب میں انہوں نے کہا: ‘ماضی کی بات مت کرئے آج کا کشمیر امن، خوشحالی اور ترقی چاہتا ہے اور ہم آج یہاں خوشی کے ماحول میں نماز ادا کریں گے’۔
ان کا کہنا تھا کہ عید گاہ ہمارے شہر کا چہرہ ہے جس کو خوبصورت بنایا جائے گا۔