سرینگر /نامہ نگار/
بی جے پی ترجمان ابھی جیت جسروٹیا نے مرکزی وزیر داخلہ کے فیصلے کی سراہنا کرتے ہوئے کہا ہے کہ وی ڈی سی اراکین نے دہشت گردی کے خلاف جنگ میں کلیدی کردار اداکیا ہے ۔انہو ںنے کہا ہے کہ وی ڈی سی کو اب وی ڈی جی کا نام دے کر وزیر داخلہ نے ایک لائق تحسین فیصلہ لیا ہے۔ انہو ںنے کہا ہے کہ ان لوگوں نے اسوقت دہشت گردوں کا مقابلہ کرنے کے لئے اپنی جانوں کی بازی لگادی جب دہشت گرد خود کار ہتھیاروں سے لیس تھے اور یہ لو گ ملک کے لئے اپنی جان پر کھیلنے کے لئے تیار ہوئے۔ جسروٹیا نے بتایا کہ پاکستان کے ہمایت یافتہ دہشت گردوں نے راجوری ، پونچھ اور ڈوڈہ علاقوں میں بہت سارے معصوم لوگوں کو موت کے گھاٹ اتار دیا۔ انہو ںنے کہا ہے کہ بدقسمتی سے ان جانبازوں کو نہ ریاستی سرکار اور نہ ہی اسو قت کی مرکزی سرکار نے خاطر میں لایا جس کی وجہ سے انہو ں نے اپنے اہل خانہ کے ساتھ مشکلا اور مصٓئب کا سامنا کیا۔ انہو ںنے کہا کہ وزیر داخلہ امیت شاہ نے ان کی بہادری اور قربانیوں کا صلہ دیتے ہوئے قوم پرست لوگوں کا ساتھ دیاہے اور بی جے پی کے نعرے سب کا ساتھ سب کا وشواس کی لاج رکھی ہے ۔ انہو ںنے ثابت کیا ہے کہ یہ صرف نعرہ کی حد تک محدود نہیں بلکہ اس کازمینی سطح پر بھی تحفظ کیا جارہاہے۔ ابھی جیت جسروٹیا نے بی جے پی قیادت ، ڈاکٹر جتندر سنگھ ، رویندر رینہ اور جنرل سیرکیتڑی سنیل شرما کا بھی شکریہ اداکیا جنہو ںنے وی ڈی سیز کو اپنا مقام دلانے میں تعاون پیش کیا ہے اور بار بار ان کے مسائل کو مرکز کے ساتھ اٹھایا ہے۔