سرینگر:جموں کشمیر کی کچھ سیاسی پارٹیوں کو نشانہ بناتے ہوئے مرکزی وزیر ڈاکٹر جتیندر سنگھ نے کہا کہ کشمیر ی پنڈتوں کو کشمیر سے نکالنے کیلئے جو لوگ ذمہ دار ہے ویہی آج ان کی واپسی کیلئے مگر مچھ کے آنسو ں بہا رہے ہیں۔ انہوں نے کہا کہ جن لوگوں نے جموں کشمیر میں 20سال تک حکومت کی تب انہیں کشمیر پنڈت یاد نہیں آئیں آج جب وہ اقتدار میں نہیںہے تو انہیںفکر ہو رہی ہے ۔سی این آئی کے مطابق وشو کشمیری سماج کے زیر اہتمام منعقدہ ایک پروگرام میں مہمان خصوصی کی حیثیت سے شرکت کے بعد وہاںموجود افراد سے خطاب کرتے ہوئے مرکزی وزیر ڈاکٹر جتیندر سنگھ نے کہا کہ جو لوگ کشمیری پنڈت کو کشمیر سے باہر نکالنے کیلئے ذمہ دار تھے،وہ اب مگرمچھ کے آنسو بہا رہے ہیں اور کشمیر کی نسل کشی اور ہلاکتوں کی تحقیقات کا مطالبہ کر رہے ہیں۔انہوں نے کہا کہ یہ دیکھنا بہت مزاحیہ ہے کہ ’’کشمیر فائلز‘‘ فلم نشر ہونے کے ساتھ ہی کچھ ایسے رہنما جو گزشتہ 20 سالوں میں حکمرانی کے نظام کا ایک لازمی حصہ تھے اقتدار میں رہنے کے دوران خاموش تھے اور آج جب وہ تو اقتدار سے باہر ہیں تو مگر مچھ کے آنسو بہانے لگے ہیں ۔اکٹر جتیندر سنگھ نے کہا کہ یہ بی جے پی کیلئے ثابت قدمی کی بات ہے کہ اس وقت کی حکمران جماعتوں کے کچھ لیڈر آج وہی زبان بول رہے ہیں جو 25 سال پہلے بھی بی جے پی بولتی تھی۔ لیکن اس وقت انہی لیڈروں نے بی جے پی پر نام نہاد تقسیم کی سیاست میں ملوث ہونے کا الزام لگایا۔ انہوں نے کہا کہ تاریخ گواہ ہے کہ اس وقت کی حکمران سیاسی جماعتوں اور ان کے لیڈروں نے کشمیری پنڈتوں کی ہجرت اور اس کے بعد پیدا ہونے والی عسکریت کی فضا سے فائدہ اٹھایا کیونکہ اس نے انہیں اقتدار میں رہنے میں سہولت فراہم کی۔ڈاکٹر جتیندر سنگھ نے کہا کہ کچھ نوجوان کارکنان گیتا بھون جموں میں کشمیری پنڈتوں کے پہلے قافلے کی آمد اور مشری والا اور نگروٹہ میں عارضی کیمپوں سے شروع ہونے والے ہجرت کے ہر ایک سلسلے کے چشم دید گواہ تھے، جہاں وہ زیادہ تر رہتے تھے۔ڈاکٹر جتیندر سنگھ نے کہا کہ وہ 1990 کے موسم گرما کو واضح طور پر یاد کرتے ہیں جو بے گھر کشمیری پنڈتوں کیلئے سب سے زیادہ سخت تھا جنہوں نے کبھی میدانی علاقوں کی گرمی نہیں دیکھی تھی، جس کے نتیجے میں ہیٹ اسٹروک کے واقعات رونما ہوئے۔ انہوںنے کہا کہ بی جے پی حکومت کشمیری پنڈتوں کی با عزت گھر واپسی کیلئے وعدہ بند ہے اور اس میں کوئی کوتاہی نہیں برتی جائے گی اور جلد ہی کشمیر پنڈت اپنے گھروںکو واپس لوٹ آئیں گے ۔
