جموں//ناظم اِطلاعات و تعلقات عامہ اَکشے لابرو نے آج گگن سنگھ جموال کو حال ہی میں بنگلورو کرناٹک میں منعقد ہونے والی باوقار 60ویں نیشنل رولر سکیٹنگ چمپئن شپ میں گولڈ میڈل جیتنے پر مبارک باد دی۔اِکشے لابرو نے جموںوکشمیر یوٹی اور محکمہ اطلاعات کا بھی نام روشن کرنے کے لئے گگن سنگھ جموال کی ستائش کی۔ایک بین الاقوامی رولر ہاکی کھلاڑی اور ڈی آئی پی آر کے ملازم گگن سنگھ جموال نے مسلسل چوتھے سال گولڈ میڈل جیتا ہے۔اِس سے قبل وہ سینئر اور دیگر زُمرے میں کئی قومی ٹائٹل اَپنے نام کر چکے ہیں اور ایشین رولر سکیٹنگ چمپئن شپ میں بھی حصہ لے چکے ہیں۔جوائنٹ ڈائریکٹر جموں سپنا کوتوال ، ڈپٹی ڈائریکٹر ( اے وِی) دیپک دوبے ، اکائونٹس آفیسر ہتیش کے چودھری اور محکمہ کے دیگر ملازمین نے بھی گگن سنگھ جموال کو ان کی کامیابی پر مبارک باد دی۔
