یوکرین میں جیت ہمارے ہاتھ سے نکل رہی ہے:کونڈو لیزا رائس

واشنگٹن، 10 جنوری (یو این آئی)سابق امریکی وزیر خارجہ کونڈو لیزا رائس اور سابق وزیر دفاع رابرٹ گیٹس نے اعتراف کیا ہے کہ یوکرین میں جیت ہمارے ہاتھ سے نکل رہی ہے۔
غیر ملکی میڈیا کے مطابق سابق امریکی وزیر خارجہ کونڈو لیزا رائس اور سابق وزیر دفاع رابرٹ گیٹس نے روس یوکرین جنگ میں امریکہ کی متوقع ناکامی کا اعتراف کیا ہے اور اپنے بیان میں کہا ہے کہ یوکرین کی معیشت اور فوج تقریباً ختم ہوچکی ہے اور وہ اب مکمل طور پر مغرب پر انحصار کر رہی ہے۔انہوں نے کہا کہ ڈرامائی تبدیلی سے صرف نظر اس جیت کے امکانات ختم ہو رہے ہیں۔
دوسری جانب اسی حوالے سے امریکی سفارتکار اور پینٹاگون کے سابق سربراہ نے واشنگٹن پوسٹ میں لکھا ہے کہ یوکرین کی معیشت تباہی کا شکار ہے۔انہوں نے کہا کہ اگر صورتحال ایسے ہی برقرار رہی تو پھر مغرب کی جانب سے یوکرین صدر ولادیمیر زیلینسکی کو روسی صدر ولادیمیر پیوٹن کے ساتھ جنگ بندی پر بات چیت کے لیے دباؤ ڈالا جائے گا۔