مانیٹرنگ//
سرینگر // دیہی علاقوں اور زرعی اراضی پر پراپرٹی ٹیکس لاگو نہیں ہے کی بات کرتے ہوئے صوبائی کمشنر کشمیر نے کہا کہ سرینگر میں ٹریفک جام پر قابو پانے کیلئے اسکولوں کے اوقات کار میں تبدیلی لائی گئی ۔ صوبائی کمشنر نے کہا کہ جموں وکشمیر کے نوجوان سپورٹس میں شعبہ میں بہت آگے ہیں۔سی این آئی کے مطابق کشمیر سے کنیا کماری تک ایشیا کی سب سے طویل سائیکل ریس کو بخشی اسٹیڈیم سے صوبائی کمشنر کشمیر وجے کمار بدھوری نے ہری جھنڈی دکھا کر روانہ کیا ۔ اس موقعے پر صوبائی کمشنر کشمیر وجے کمار بدھوری نے میڈیا کے ساتھ بات کرتے ہوئے کہا کہ آج کی جو یہ ریس ہے یہ دکھاتی ہے کہ اس کے لئے بہت زیادہ جذبہ در کار ہے۔انہوں نے کہا کہ اگر جذبہ موجود ہے تو کچھ کیا جا سکتا ہے۔صوبائی کمشنر نے کہا کہ جموں وکشمیر کے نوجوان سپورٹس میں بہے بہت آگے ہیں۔انہوں نے کہا کہ سپورٹس کے مختلف شعبوں میں اپنا نام کمایا جاسکتا ہے۔ان کا کہنا تھا کہ ہمارے سپورٹس کونسل بہت ہی سرگرم ہیں اور تمام پنچایتوں میں کھیل کے میدان بنائے گئے ہیں اگر کہیں نہیں بنا تو مجھے اس کے بارے میں مطلع کیا جائے۔سرمائی تعطیلات کے بعد اسکول دوبارہ کھلنے کے بارے میں پوچھے جانے پر بدھوری نے کہا کہ اسکولوں کے کھلنے کے لئے تمام تر تیاریاں کی گئی ہیں۔انہوں نے کہا کہ اسکول اوقات کار میں تبدیلی کی گئی ہے تاکہ سمارٹ سٹی کے پیش نظر جو کئی کام چل رہے ہیں، اس سے ٹریفک جام کا مسئلہ پیش نہ آسکے۔پراپرٹی ٹیکس کے بارے میں پوچھے جانے پر ان کا کہنا تھا کہ دیہی علاقوں اور زرعی اراضی پر پراپرٹی ٹیکس لاگو نہیں ہے۔
