ہوبارٹ ، 17 اکتوبر: خواتین بگ بیش لیگ (ڈبلیو بی بی ایل) میں اتوار کے روز سڈنی سکسرز کی ہوبارٹ ہریکینس پر پانچ وکٹ سے جیت میں ہندوستانی کھلاڑیوں شیفالی ورما اور رادھا یادو نے اہم کردار ادا کیا۔پہلے بلے بازی کرتے ہوئے ہوبارٹ نے 20 اوورز میں پانچ وکٹوں پر 129 رنز بنائے ، جواب میں سڈنی نے میچ تین گیندیں باقی رہتے یہ مقابلہ جیت لیا۔ شیفالی کو ان کی کارکردگی کے لئے پلیئر آف دی میچ منتخب کیا گیا ۔ اس دوران ریچا گھوش نے ہوبارٹ کے لیے ایک اہم اننگز بھی کھیلی۔ہوبارٹ نے ایک وقت پر 76 رنز پر پانچ وکٹیں گنوا دی تھیں ، لیکن اس کے بعد ریچا اور ساشا مولونی نے ہوبارٹ کو سنبھالنا شروع کیا۔ جب جوڑی نے چھٹی وکٹ کے لیے 32 رنز کی شراکت کی تو رادھا کو گیند سونپی گئی۔ انہوں نے اپنے کپتان کو مایوس نہیں کیا اور اپنے اوور کی پہلی چار گیندوں پر دونوں بلے بازوں کی وکٹیں حاصل کیں۔ رادھا کی حیرت انگیز بولنگ کی وجہ سے بعد میں ہوبارٹ مکمل طور پر حاوی ہوگئیں ۔ انہوں نے چار اوورز میں 32 رنز دے کر دو وکٹیں حاصل کیں۔
شیفالی اپنی جارحانہ بلے بازی کے لیے مشہور ہیں۔14 رنز کے اندر دو وکٹیں گنوانے کے بعد سڈنی مشکل میں تھی ، لیکن شیفالی نے ایک سرے کو تھام لیااور تیسرے وکٹ کے لئے کپتان ایلس پیری کے ساتھ 63 رن کی اہم شراکت کرتے ہوئے ٹیم کو دباؤ سے باہر نکالا۔پیری کے آؤٹ ہونے کے بعد شیفالی نے اپنی نصف سنچری مکمل کی۔ انہوں نے 50 گیندوں میں 57 رنز کی اننگز میں چھ چوکے لگائے۔ بالآخر سڈنی نے ہدف 19.3 اوورز میں حاصل کرلیا۔ (یو این آئی)
