سرینگر:وزیراعظم نریندر مودی نے کہا ہے کہ گزشتہ کچھ روز کے دوران پارلیمنٹ میں یوکرین کی صورتحال اور آپریشن گنگا کے ذریعے اپنے شہریوں کو واپس لانے کی بھارت کی کوششوں پر ایک صحت مند بحث ہوئی۔ ایک ٹوئٹ میں جناب مودی نے کہا کہ وہ ان سبھی ارکان پارلیمنٹ کے شکرگزار ہیں جنہوں نے اپنے خیالات کے ساتھ اِس بحث میں حصہ لیا۔ انہوںنے کہا کہ جب خارجہ پالیسی کے معاملے کی بات سامنے آتی ہے تو بامعنی بحث اور تعمیری نقطہ¿ نظر یہ ظاہر کرتے ہیں کہ ہم جانبدار نہیں ہیں۔ جناب مودی نے کہا کہ یہ ہمارا اجتماعی طور پر فرض ہے کہ ہم وطنوں کے تحفظ اور اْن کی خیر و عافیت کا خیال رکھا جائے اور بھارت سرکار اس بات کو یقینی بنانے کے لئے کوئی کسر باقی نہیں رکھے گی کہ ہمارے لوگ کسی بھی خراب صورتحال میں کسی بھی طرح کی پریشانی کا سامنا نہ کریں۔وزیر اعظم نریندر مودی نے کہا ہے کہ حکومت کے کام کاج میں قومی مفاد کافی اہمیت رکھتا ہے۔کل بی جے پی کے 42 ویں یوم تاسیس کے موقع پر پارٹی ورکروں سے خطاب کرتے ہوئے جناب مودی نے کہا کہ ملک اپنی پالیسی ، قوت ارادی اور فیصلہ کرنے کی صلاحیت رکھتا ہے۔ مودی نے کہا کہ آج حکومت نے نہ صرف مقاصد طے کردیئے ہیں بلکہ انہیں حاصل بھی کرلیا ہے۔ انہوں نے کہا کہ ملک نے حال ہی میں سامان کی برآمدات سے چارسو ارب امریکی ڈالر حاصل کئے ہیں جو اب تک سب سے زیادہ ہیں۔ جناب مودی نے کہا کہ چار ریاستوں میں بی جے پی کی ڈبل انجن کی سرکاریں دوبارہ اقتدار میں آئی ہیں۔انہوں نے کہا کہ تین دہائیوں کے بعد راجیہ سبھا میں کسی پارٹی کے سو ارکان ہیں۔ اس سے پہلے بی جے پی کے صدر جے پی نڈا نے دلی میں پارٹی ہیڈ کوارٹر میں پارٹی کا پرچم لہرایا۔انہوںنے ڈاکٹر شیاما پرساد مکھرجی اور پنڈت دین دیال کو بھی خراج عقیدت پیش کیا۔وزیر اعظم نریندر مودی نے صحت کے عالمی دن کے موقع پر مبارکباد دی ہے۔ ایک ٹوئٹ میں جناب مودی نے اِس خواہش کا اظہار کیا کہ ہر ایک کے لئے اچھی صحت اور تندرستی میسر ہو۔انہوںنے کہا کہ آج صحت کے شعبے کے ساتھ جڑے سبھی لوگوں کے تئیں تشکر کے اظہار کا بھی دن ہے کیونکہ یہ اْن کی سخت محنت کا نتیجہ ہے کہ آج ہمارا کرہ ارض محفوظ ہے۔ وزیر اعظم نے کہا کہ حکومت بھارت کے صحت کے بنیادی ڈھانچے کو فروغ دینے کیلئے انتھک کام کررہی ہے۔ انہوں نے مزید کہا کہ وہ ملک کے شہریوں کے لئے اچھے معیار اور سستے حفظان صحت کو یقینی بنانے پر توجہ دے رہی ہے۔
