نگران مانٹیرنگ ڈیسک
سرینگر// خلیجی جنگ میں جمعہ کو اس وقت سب سے بڑی پیشرفت ہوئی جب ایران نے اعلان کیا کہ فائر بندی کی مدت تک آبنائے ہرمز تمام تجارتی جہازوں کے لیے "مکمل طور پر کھلا” ہے۔اس پر فوری ردعمل کا اظہار کرتے ہوئے اس اقدام کا امریکی صدر ڈونلڈ ٹرمپ نے خیر مقدم کیا ہے۔ایرانی وزیر خارجہ عباس عراقچی نے X پر ایک پوسٹ میں کہا کہ "لبنان میں جنگ بندی کے پیش نظر، آبنائے ہرمز کے ذریعے تمام تجارتی جہازوں کے گزرنے کو جنگ بندی کی بقیہ مدت کے لیے مکمل طور پر کھلا قرار دیا گیا ہے۔”عراقچی کی جانب سے اہم آبی گزرگاہ کو دوبارہ کھولنے کا اعلان صدر ٹرمپ کی جانب سے لبنان اور اسرائیل کے درمیان 10 روزہ جنگ بندی کے اعلان کے ایک دن بعد سامنے آیا ہے۔تاہم، عراقچی نے کہا کہ بحری جہازوں کو ایران کی بندرگاہوں اور میری ٹائم آرگنائزیشن کی طرف سے "پہلے ہی اعلان کردہ مربوط راستے پر چلنا چاہیے۔” اس کے چند منٹ بعد صدر ٹرمپ نے ٹروتھ سوشل پر ایک پوسٹ میں اعلان بھی شیئر کیا۔انہوں نے کہا”ایران نے ابھی اعلان کیا ہے کہ آبنائے کو ایران مکمل طور پر کھلا ہے اور مکمل گزرنے کے لیے تیار ہے۔ شکریہ،” ۔ ایران نے امریکہ اور اسرائیل کے ساتھ تنازعہ کے بعد آبنائے ہرمز کو بند کر دیا تھا، جس سے عالمی توانائی کی سپلائی متاثر ہوئی۔تاہم، ٹرمپ نے کہا کہ ایران کے خلاف بحری ناکہ بندی جاری رہے گی جب تک کہ تہران جنگ کے خاتمے کے لیے امریکا کے ساتھ معاہدہ نہیں کر لیتا۔ انہوں نے کہا کہ آبنائے ہرمز "مکمل طور پر کھلا اور کاروبار اور مکمل گزرنے کے لیے تیار ہے، لیکن بحری ناکہ بندی پوری طاقت اور اثر میں رہے گی کیونکہ یہ ایران سے متعلق ہے، صرف اس وقت تک، جب تک کہ ایران کے ساتھ ہمارا لین دین 100 فیصد مکمل نہ ہو جائے۔ یہ پیشرفت پاکستان کے چیف آف ڈیفنس فورسز فیلڈ مارشل عاصم منیر کی تہران میں اعلی ایرانی قیادت کے ساتھ بات چیت کے ایک دن بعد سامنے آئی ہے جو امریکہ اور ایران کے درمیان تنازع کو حل کرنے کے لیے اسلام آباد کی کوششوں کے حصے کے طور پر ہے۔ایران کی سرکاری نیوز ایجنسی کے مطابق، منیر، ایران اور امریکہ کے درمیان دو ہفتے کی جنگ بندی کے معاہدے کے بعد تہران کا دورہ کرنے والے پہلے غیر ملکی فوجی رہنما ہیں۔انہوں نے پاسداران انقلاب کے خاتم الانبیا سینٹرل ہیڈ کوارٹر کا بھی دورہ کیا، جہاں انہوں نے اس کے کمانڈر سے ملاقات کی۔ملاقات کے دوران، انہوں نے آئی آر جی سی کے کمانڈر کے ساتھ جنگ کے خاتمے کے لیے کیے گئے اقدامات اور تہران میں ان کے حالیہ مذاکرات کے بارے میں تبادلہ خیال کیا۔ ایرانی سرکاری میڈیا کے مطابق، دونوں فریقوں نے خطے کی صورتحال اور امن و استحکام کے امکانات پر تبادلہ خیال کیا۔امریکا اور ایران کے درمیان جنگ بندی 21 اپریل کو ختم ہو جائے گی۔
