کابل ، یکم جولائی//افغانستان کے مغربی صوبہ ہرات میں کار بم دھماکے میں پولیس کے آٹھ اہلکار اور ایک فوجی ہلاک ہوگیا۔سیکیورٹی ذرائع نے جمعرات کے روز بتایا کہ بدھ کی رات کو ایک کار بم دھماکہ گوریاں ڈسٹرکٹ پولیس ہیڈ کوارٹر کے قریب ہوا۔ غیر ملکی فوجیوں نے افغانستان سے اپنے گھر جانا شروع کردیا ہے۔ افغانستان میں فوج کے انخلا کے بعد پرتشدد واقعات میں اضافہ ہونا شروع ہوگیا ہے۔طالبان نے حال ہی میں ایک جارحانہ انداز اپنایا ہے اور شمالی افغانستان کے کچھ علاقوں پر قبضہ کرنا شروع کردیا ہے۔ (یو این آئی)
