کلکتہ//سابق صدر جمہوریہ پرنب مکھرجی کے بیٹے اور کانگریس کے سابق رکن پارلیمنٹ ابھیجیت مکھرجی آج ترنمول کانگریس میں شامل ہوگئے ۔ ترنمول بھون میں منعقدہ تقریب میں ممبر پارلیمنٹ سدیپ بندوپادھیائے اور پارٹی کے سیکریٹری جنرل پارتھو چٹرجی کی موجودگی میں انہوں نے ترنمول کانگریس کی رکنیت لی ۔ ریاستی وزیر پارتھو چٹرجی نے کہا کہ مکھرجی نے پارٹی کے جنرل سیکریٹری ابھیشیک بنرجی سے ملاقات کی تھی اور اس موقع پر انہوں نے ترنمول کانگریس میں شمولیت اختیار کی تھی ۔ اسمبلی انتخاب میں کراری شکست کے بعد کانگریس کےلئے یہ ایک بڑا جھٹکا ہے ۔ابھیجیت مکھرجی ترنمول میں شامل ہونے کے موقع پر اپنی پرانی پارٹی کانگریس کے بارے میں کوئی بھی تبصرہ کرنے سے گریز کیا ۔ تاہم انہوں نے 2011 میں نئی ہٹی سے کانگریس کے ٹکٹ پر ممبرا سمبلی منتخب ہونے کا سہرا ممتا بنرجی کو دیا۔ مکھرجی نے کہا کہ حالیہ اسمبلی انتخابات کی طرح ممتا بنرجی پورے ملک میں بی جے پی کی مخالفت کرسکتی ہیں ۔ابھیجیت نے کہا کہ میں ممتا بنرجی اور ابھیشیک بنرجی کا شکریہ ادا کرنا چاہتا ہوں کہ آج میں ترنمول کے پرائمری ممبر کی حیثیت سے شامل ہوا ہوں ۔ میں ایک کانگریس سے دوسری کانگریس میں آیا ہوں ۔ جب میں نے اپنی سرکاری ملازمت چھوڑ دی اور 2011 میں کانگریس میں شمولیت اختیار کی تو ممتا بنرجی کی سربراہی میں بائیں محاذ کی حکومت کے خلاف مقابلہ کیا اور میں نئی ہٹی سے ممبر اسمبلی منتخب ہوا۔ اس جیت کا سہرا میں ممتا بنرجی کو دینا چاہتا ہوں ۔ ممتا دیدی نے ریاست میں بی جے پی جیسی فرقہ وارانہ قوت کو روک دیا ہے۔ مغربی بنگال میں جس طرح سے وہ بی جے پی کو روکنے میں کامیاب رہی ہیں ۔ امید ہے کہ ان کی قیادت میں ملک بھر میں بی جے پی کو روکنے میں ہم کامیاب رہیں گے۔جنگی پور سے سابق ممبر پارلیمنٹ نے کہا کہ میں کانگریس میں کسی بھی عہدہ پر نہیں رہا ہوں ۔ صرف میرے پاس ابتدائی ممبری شپ تھی ، جس کی میں نے تجدید نہیں کرائی تھی ۔ اب میں ایک وفادار سپاہی کی حیثیت سے ترنمول کانگریس میں شامل ہوا ہوں اور میں پارٹی کی ہدایات پر عمل کروں گا۔ ابھیجیت نے دعوی کیا ہے کہ وہ کسی بھی عہدے کی لالچ میں ٹیم کو تبدیل نہیں کر رہے ہیں ۔ جس طریقے سے ٹیم میرا استعمال کرے گی ، اسی طرح میں کام کروں گی۔پرنب مکھرجی کو یاد کرتے ہوئے پارٹی کے سکریٹری جنرل پرتھ چٹرجی نے کہا کہ وہ صرف ہندوستان کے صدر نہیں تھے ، وہ ہمارے لیڈرتھے ۔ پرنب مکھرجی مشکل وقت میں ہمیں مشورہ دیتے تھے ، ان کے بیٹے ابھیجیت مکھرجی سے ہمیں امید ہے کہ اپنے اور خاندانی تجربے اور سیاسی تدبر کے ساتھ ممتا بنرجی کی مدد کریں گے اور بی جے پی سے پاک ہندوستان کی تعمیر اور اسے مضبوط بنانے کی جدوجہد میں بڑھ چڑھ کر حصہ لیں گے۔
