مانیٹرنگ//
دبئی، 08 فروری // ہندوستانی کپتان ہاردک پانڈیا کھیل کے مختصر ترین فارمیٹ میں نیوزی لینڈ کے خلاف تیسرے ٹی 20 میں آل راؤنڈ کارکردگی کی بدولت ٹی 20 آل راؤنڈر رینکنگ میں دوسرے نمبر پر پہنچ گئے ہیں۔
انٹرنیشنل کرکٹ کونسل (آئی سی سی) کی جانب سے بدھ کو جاری کی گئی رینکنگ کے مطابق پانڈیا 250 ریٹنگ کے ساتھ بہترین دوسرے آل راؤنڈر بن گئے ہیں۔ وہ تجربہ کار افغانستان کے آل راؤنڈر محمد نبی کو پیچھے چھوڑ چکے ہیں اور ٹاپ آل راؤنڈر شکیب الحسن (252) سے صرف دو پوائنٹ پیچھے ہیں۔
پانڈیا نے تیسرے ٹی۔ٹوئنٹی میں بلے سے 30 (17) رن کا حصہ ڈالا، اپنے چار اوورز میں صرف 16 رن دے کر چار وکٹ لئے۔ شبھمن گل (ناٹ آؤٹ 126) کی دھماکہ خیز سنچری اور پانڈیا کی آل راؤنڈ کارکردگی کی وجہ سے ہندوستان 168 رنز کی تاریخی فتح درج کر سکا۔
اپنی سنچری کے بل بوتے پر گیل نے بھی 168 پوائنٹس کی بڑی چھلانگ لگا کر ٹی ٹوئنٹی بلے بازوں کی فہرست میں 30 ویں نمبر پر پہنچ گئے ہیں جب کہ سوریہ کمار یادو اس فہرست میں سرفہرست ہیں۔ بائیں ہاتھ کے تیز گیند باز ارشدیپ سنگھ گیند بازوں کی فہرست میں آٹھ مقام کی چھلانگ لگا کر 13ویں نمبر پر پہنچ گئے ہیں۔