حیدرآباد،14 اپریل ( یو این آئی)//
انڈین پریمیئر لیگ (آئی پی ایل) 2026 میں نوجوان ہندوستانی فاسٹ بالرز کی شاندار کامیابی کے بعد سن رائزرز حیدرآباد کے لیے ایک اور بڑی خوشخبری سامنے آئی ہے۔ ٹیم کے آفیشئل کپتان اور دنیا کے بہترین فاسٹ بالرز میں سے ایک، پیٹ کمنز، جلد ہی ایکشن میں نظر آ سکتے ہیں۔
ذرائع کے مطابق پیٹ کمنز بدھ کے روز آسٹریلیا میں اپنا فٹنس ٹیسٹ دیں گے۔ اگر وہ اس ٹیسٹ کو پاس کر لیتے ہیں اور کرکٹ آسٹریلیا سے این او سی حاصل کرنے میں کامیاب ہو جاتے ہیں، تو وہ 17 اپریل کو حیدرآباد پہنچ جائیں گے۔
سن رائزرز حیدرآباد اپنا اگلا میچ جمعہ 18 اپریل کو اپنے ہوم گراؤنڈ پر کھیلے گی، جس میں کمنز کی شرکت کا امکان روشن ہو گیا ہے۔سیزن کے آغاز سے قبل کمنز نے کہا تھا کہ ان کا ہدف ٹورنامنٹ کا دوسرا ہاف اور فائنلز کھیلنا ہے۔ انہوں نے بتایا”میں دوبارہ بالنگ شروع کر چکا ہوں اور ہر تیسرے دن مشق کر رہا ہوں۔ ہمارا منصوبہ مجھے ٹورنامنٹ کے وسط تک مکمل فٹ کرنا ہے تاکہ میں آخری ہاف میں ٹیم کی نمائندگی کر سکوں۔
