دبئی۔ویسٹ انڈیز خاتون کرکٹ ٹیم کی کپتان اسٹیفنی ٹیلر پاکستان کے خلافرواں ونڈے سیریز میں عمدہ کارکردگی کی بدولت نہ صرف آئی سی سی خاتون ونڈے بیٹنگ درجہ بندی بلکہ آل راونڈرس کی فہرست میں بھی پھر سے پہلے مقام پر پہنچ گئی ہیں۔ آئی سی سی نے خاتون زمرے کی تازہ ترین درجہ بندی جاری کی ہے۔ آئی سی سی کی ریلیز کے مطابق جدید ترین ہفتہ وار وفہرست میں ویسٹ انڈیز پاکستان سیریز کے پہلے دو ونڈے میچوں کو مظاہرے شامل ہیں۔30 سالہ اسٹیفنی نے پاکستان کے خلاف رواں ونڈے سیریز کے پہلے میچ میں بیٹ اورگیند سے جلوہ دکھایا تھا۔ انہوں نے پہلے ونڈے میں ناٹ آوٹ 105 رن بناکر گیند سے تین وکٹ لے کر شاندار آل راونڈر مظاہرہ کیا تھا اورٹیم کو پانچ وکٹ سے جیت دلائی تھی۔ اپنی اس کارکردگی کی بدولت اسٹیفنی کو چارمقامات کا فائدہ ہوا ہے، جس سے وہ ہندوستانی کپتان متالی راج کو پیچھے چھوڑکر نمبر ایک پر پہنچ گئی ہیں۔ اس کے علاوہ وہ آل راونڈر درجہ بندی میں دومقامات کے فائدے کے ساتھ پہلامقام جبکہبولنگ درجہ بندی میں تین مقامات کی چھلانگ کے ساتھ 16 ویں نمبر پر پہنچ گئی ہیں۔
