امریکی بحریہ ہمارا مقابلہ نہیں کر سکتی’:چین،امریکہ نے بحیرہ جنوبی چین میں آبدوز اتار دی

چین کئی سالوں سے جنوبی بحیرہ چین پر تسلط قائم کرنے کی کوشش کر رہا ہے۔ اس حوالے سے کئی ممالک نے چین کے اقدامات کی مذمت کی ہے اور مناسب کارروائی کرنے کا انتباہ بھی دیا ہے۔ تاہم اس کے باوجود چین اپنے اقدامات سے باز نہیں آرہا ہے۔ ادھر امریکہ نے چین کو سبق سکھانے کے لیے اپنی ایک جوہری آبدوز (یو ایس ایس کارل ونسن) کو بحیرہ جنوبی چین میں اتار دیا ہے۔ جس کے بعد چین بے چین ہو گیا ہے۔ اس پر چین نے امریکہ کو دھمکی دی کہ امریکی بحریہ ہمارا مقابلہ نہیں کر سکتی۔
چینی کمیونسٹ پارٹی کے مرکزی اخبار گلوبل ٹائمز نے دو چینی میری ٹائم تجزیہ کاروں کے حوالے سے کہا ہے کہ امریکی بحریہ پیپلز لبریشن آرمی کا مقابلہ نہیں کر سکتی۔ ماہرین نے دعویٰ کیا کہ چین نے مغربی پیسفک ریجن میں فوجی برتری حاصل کر لی ہے۔
چین نے امریکہ کو تنقید کا نشانہ بنایا
چینی ماہرین نے جنوبی بحیرہ چین میں سی ایس جی کی تعیناتی پر امریکہ کو تنقید کا نشانہ بنایا اور دعویٰ کیا کہ اس کا مقصد فلپائن کے ساتھ کشیدگی بڑھانا ہے۔ ویتنام، ملائیشیا، تائیوان، جاپان اور فلپائن نے بحیرہ جنوبی اور مشرقی چین میں چین کے علاقائی دعوؤں کی مخالفت کی ہے۔ امریکہ کی انڈو پیسفک کمانڈ (INDOPACOM) کے مطابق USS Carl Vinson CSG سنگاپور کے کامیاب دورے کے بعد SCS پہنچ گیا ہے۔
بحیرہ جنوبی چین میں داخل ہونے سے پہلے، سی ایس جی نے جاپان میری ٹائم سیلف ڈیفنس فورس (جے ایم ایس ڈی ایف) اور جنوبی کوریا کی بحریہ کے ساتھ ایک سہ رخی بحری مشق میں حصہ لیا۔ USN کی طرف سے جاری کردہ تصاویر میں USS کارل ونسن کو MK 15 Falanx Gatling-Gun Close-In Weapon System (CIWS) فائر کرتے ہوئے بھی دکھایا گیا ہے۔