لندن ، 13 اگست:تیز گیندبازجیمز اینڈرسن (62 پر 5 وکٹ) کی شاندارگیندبازی کی بدولت انگلینڈ نے ہندوستان کو دوسرے ٹیسٹ کے دوسرے دن لنچ کے بعد پہلی اننگز میں 364 رن پر آؤٹ کر دیا تھا ۔ لیکن انگلینڈ اس کے جوب میں دن کا کھیل ختم ہونے تک 45 اوور کے کھیل میں 119 رن پر اپنے تین وکٹ گنوا کرلڑکھرا گیا ہے اور وہ ہندوستان کی پہلی اننگز کے اسکور سے 245 رن پیچھے ہے۔تیزگیند بازمحمد سراج نے اوپنر ڈومینک سیبلی اور اس میچ میں پلیئنگ الیون میں شامل کئے گئے حسیب حمید کو آؤٹ کیا ۔ سیبلی نے 44 گیندوں پر 11رن بنائے جبکہ حمید اپنی پہلی گیند پربولڈ ہوگئے ۔ محمد شمی نے اوپنر روری برنس کو نصف سنچری بنانے سے محروم کیا ۔ برنس نے 136 گیندوں میں سات چوکوں کی مدد سے 49 رن بنائے۔ سٹمپس کے وقت کپتان جوروٹ 48 اور جونی بیئرسٹو سٹمپ پرچھ رن بنا کرکریز پرموجود تھے۔اس سے قبل ہندوستان نے تین وکٹوں پر 276 رن سے آگے کھیلنا شروع کیا ۔ لوکیش راہل نے 127 اور نائب کپتان اجنکیا رہانے نے ایک رن سے اپنی اننگز کو آگے بڑھایا۔ راہل نے صبح اولی رابنسن کے پہلے اوور کی پہلی گیند پر دو رنز لیے لیکن اگلی گیند پر ڈومینک سیبلی کی گیند پر کیچ ہو گئے۔ راہل نے 250 گیندوں پر 129 رن میں 12 چوکے اور ایک چھکا لگایا ۔ (یو این آئی)
