کلکتہ : تجربہ کار نیوزی لینڈ کے تیز گیند باز ٹم ساؤتھی متحدہ عرب امارات (یو اے ای ) میں منعقد ہونے والے بقیہ آئی پی ایل 2021 سیزن کے لیے کولکتہ نائٹ رائیڈرز (کے کے آر) ٹیم میں آسٹریلیائی تیزگیندباز پیٹ کمنس کی جگہ لیں گی۔دو مرتبہ کی آئی پی ایل چیمپئن فرنچائیزی کے کے آر نے جمعرات کے روز اس کا اعلان کیا۔ دراصل کمنس نے نجی وجوہات کے سبب بقیہ آئی پی ایل سیشن کے لئے خود کو غیرحاضر بتایا ہے۔ ایسے میں ساوتھی ان کی جگہ لیں گے جن کے پاس نیوزی لینڈ کے لئے 603 وکٹیں حاصل کرنے کے ساتھ 305 بین الاقوامی میچوں کا بڑا تجربہ ہے۔کے کے آر کے ہیڈ کوچ برینڈن میک کولم نے ایک بیان میں کہا ، "ہم اپنی ٹیم میں ساوتھی کو شامل کرنے پر خوشی ہیں۔ وہ ایک میچ فاتح ہیں اور ان کی موجودگی سے کے کے آر کا گیندبازی حملہ مزید مضبوط ہوگا۔ کمنز کے دستیاب نہ ہونے کی وجہ سے ، ہم اپنے گیندبازی گروپ میں تجربہ اور قیادت شامل کرنا چاہتے تھے اور ساؤتھی اس کام کے لیے بہترین کھلاڑی ہیں۔ "خیال رہے کہ کے کے آر کی ٹیم آئی پی ایل کے باقی سیزن کے لیے اپنی مہم کا آغاز 20 ستمبر کو ابوظہبی کے شیخ زاید کرکٹ اسٹیڈیم میں رائل چیلنجرز بنگلور (آر سی بی) کے خلاف میچ سے کرے گی۔ (یو این آئی)
