نئی دہلی ، 23ستمبر ۔ پرتگال کے اسٹار فٹبالر کرسٹیانو رونالڈو اور ارجنٹائن کے لیون میسی کے درمیان میدان میں سخت مقابلہ دیکھنے کو ملتا ہے۔ دونوں کا ہر چیز میں موازنہ کیا جاتا ہے اور اس کے بارے میں شائقین میں زبردست جوش و خروش پایا جاتا ہے۔
اب ایک بار پھر رونالڈو نے فٹ بال کی دنیا میں ایک خاص معاملے میں میسی کو پیچھے چھوڑ دیا ہے۔فوربز میگزین کی حال ہی میں جاری کی گئی فہرست کے مطابق حال ہی میں جوونٹس کلب چھوڑ کر مانچسٹر یونائیٹڈ میں شامل ہونے والے رونالڈو نے کمائی کے معاملے میں ارجنٹائن کے لیون میسی کو پیچھے چھوڑ دیا ہے۔ اس کے ساتھ ، وہ اب 2021 میں سب سے زیادہ معاوضہ لینے والا فٹ بالر بن گیا ہے۔فوربز میگزین کے مطابق 2021-22 سیزن میں رونالڈو 125 ملین ڈالر (تقریبا 923 کروڑ روپے) کمائیں گے جبکہ ان کے حریف لیون میسی 110 ملین ڈالر (تقریبا 8 812 کروڑ روپے) کمائیں گے۔ اس سیزن میں ٹاپ 10 کمانے والے فٹ بالرز کی کل آمدنی 585 ملین امریکی ڈالر (تقریبا 4 4321 کروڑ روپے) رہی جو گزشتہ سال 570 ملین امریکی ڈالر (تقریبا 4 4,210 کروڑ روپے) تھی۔کرسٹیانو رونالڈو مانچسٹر یونائیٹڈ کا حصہ ہیں جبکہ میسی پیرس سینٹ جرمین (پی ایس جی) کی جانب سے کھیلتے ہیں۔
