ماسکو ، 20 اکتوبر:روس میں گذشتہ 24 گھنٹوں کے دوران کورونا کے 34073 نئے کیسز درج ہوئے ہیں۔روس کے فیڈرل رسپانس سینٹر نے بدھ کو یہ اطلاع دی۔ اس سے ایک دن پہلے ، کووڈ- 19 کے 33،740 کیسز یہاں درج کیے گئے تھے۔سینٹر نے کہا ، ’گذشتہ ایک دن میں کووڈ- 19 کے 34،073 نئے کیسز ملک کے 85 صوبوں میں درج ہوئے جن میں سے 3067 یعنی نو فیصد لوگوں میں کوئی علامت نظر نہیں آ رہی ہے‘۔مرکز کے مطابق روس میں کورونا کی شرح 0.42 فیصد ہے۔ یہاں درج ہونے والے نئے کیسز میں سب سے زیادہ 5،847 کیسز ماسکو میں درج ہوئے۔ اس سے ایک دن پہلے یہاں 5700 کیسز درج کیے گئے تھے۔ سینٹ پیٹرس برگ میں 3،274 اور ماسکو کے علاقے میں 2،590 نئے کیسز درج کیے گئے ہیں۔رسپانس سینٹر کے مطابق دریں اثنا ملک میں اس وبا کی وجہ سے 1028 افراد ہلاک ہوئے۔ اس سے ایک دن پہلے یہاں اس مہلک وائرس کی وجہ سے 1015 افراد اپنی جان سے ہاتھ دھو بیٹھے ہیں۔اس دوران روس میں 25،231 افراد کو صحت یاب ہونے کے بعد مختلف اسپتالوں سے فارغ کر دیا گیا۔ روس میں اب تک 70،65،712 افراد اس وبا کو شکست دے چکے ہیں۔ (یو این آئی/اسپوتنک)
