نئی دہلی:وزیر تعلیم دھرمیندر پردھان نے کہا کہ قومی تعلیمی پالیسی-2020 ہندوستانی زبانوں کے فروغ پر زور دینے کا خاکہ پیش کرتی ہے تاکہ مستقبل میں زبان کی تعلیم کو ایک ہنر کے طور پر فروغ دیا جاسکے مسٹر دھرمیندر پردھان نے پیر کے روز اسکولوں کے لیے بھاشا سنگم کی پہل، بھاشا سنگم موبائل ایپ اور ایک بھارت شریشٹھ بھارت کوئز ایپ کے آغازکے موقع پر اپنے خطاب میں کہا کہ آج شروع کی گئی اس پہل سے ہمارے طلبہ کو اپنےملک کے لسانی تنوع کو اپنانے اور ہماری ثقافت، وراثت، تنوع اور استحکام کے بارے میں شعور پیدا کرنے میں مدد ملے گی۔انہوں نے کہاکہ "بھاشا سنگم 22 ہندوستانی زبانوں میں روزمرہ کے استعمال کے بنیادی جملے سکھانے کے لیے ‘ایک بھارت شریشٹھ بھارت کے تحت وزارت تعلیم کی ایک پہل ہے۔ اس کا مقصد طلبہ کو اپنی مادری زبان کے علاوہ کسی دیگر ہندوستانی زبان میں گفتگو کی بنیادی مہارتیں حاصل کرنے کے قابل بنانا ہے۔ ہمارا ہدف ہے کہ آزادی کا امرت مہوتسو کے دوران کم از کم 75 لاکھ لوگ اس ہنر کو حاصل کریں۔بھاشا سنگم کے اس پروگرام کے ذریعے اسکول کےطلبہ تمام زبانوں سے واقفیت حاصل کر سکیں گے۔ (یو این آئی)
