دبئی، 10 نومبر:پاکستان کے بیٹنگ کوچ میتھیو ہیڈن نے آسٹریلیا سے پاکستان میں آکر کرکٹ کھیلنے اور یہاں کی ثقافت کو اپنا نے کی اپیل کی ۔ہیڈن نے یہاں بدھ کے روزایک بیان میں کہا ’’ مجھے لگتا ہے کہ یہ بہت اہم ہے کہ آسٹریلیا اب پاکستان کو ایک مکمل رکنیت والے ملک کے طور پر قبول کرے، جو اس کے فین بیس کو حوصلہ اور حمایت کرے گا ، جو ہندوستان سے کم نہیں ہے۔ کرکٹ کے عظیم کھیل کے لیے دونوں ممالک میں یکساں جذبہ اور عزم ہے ۔ یہ وہ چیز ہے جو آسٹریلوی یونٹ کو پاکستان آنے، اس کی مہمان نوازی، کرکٹ کی مجموعی جذبے اور پاکستان کے تجربے سے لطف اندوز ہونے کا موقع دے گی ‘‘۔ سابق آسٹریلوی بلے باز نے کہا ’’ یہ یقیناً افسوسناک بات ہے کہ مجھے اپنے کیرئیر میں انٹرنیشنل کرکٹر کی حیثیت سے کبھی پاکستان جانے کا موقع نہیں ملا، جبکہ پاکستان کے پاس ثقلین مشتاق جیسے عظیم سپن ، وقار یونس ، وسیم اکرم اور شعیب اختر جیسے گیند باز تھے ۔ ایک سلامی بلے باز کے طور پرآپ یہی کوشش کرنا چاہتے ہیں اوراچھی تیز گیند بازوں کا سامنا کرنا ہو اور پاکستان میں ایسا کرنے کا موقع نہ ملنا میرے لیے افسوس کی بات ہے، اس لیے اب میں کہتا ہوں کہ اب اسے گلے لگائیں، پاکستان کرکٹ کے مستقبل کا حصہ بنیں اور یہ کرکٹ کمیونٹی کا ایک انتہائی اہم حصہ ہے۔ مجھے یقین ہے کہ آسٹریلوی کھلاڑی پاکستان کا دورہ کرنے کے منتظر ہیں‘‘۔ (یو این آئی)
