حیدرآباد8جنوری:۔۔۔۔۔دل کا دورہ پڑنے سے بیٹے کی موت کے بعد اس کی لاش دیکھ کر ضعیف ماں کی موت ہوگئی۔یہ واقعہ تلنگانہ کے ضلع ورنگل کے انڈربریج علاقہ میں پیش آیا۔تفصیلات کے مطابق خاتون بھارتی بائی کی عمر85برس تھی۔اس کوپانچ بیٹے اور تین بیٹیاں جملہ 8اولادیں تھیں تاہم کورونا کی وجہ سے دو بیٹوں کی موت ہوگئی۔جمعہ کو اس کے ایک اور بیٹے کرشنا کو دل کا دورہ پڑاجس سے اس کی موت ہوگئی۔ماں اپنے بیٹے کی موت کے صدمہ کو برداشت نہ کر سکی۔اس کو بیٹے کی موت کی اطلاع دی گئی اورکرشنا کی لاش دکھانے کے لیے لایا گیا۔ بھارتی اپنے بیٹے کی لاش کو پکڑ کر رو پڑی اور اچانک وہیں گرپڑی۔صدمہ سے وہیں اس کی موت ہوگئی۔بعد ازاں ماں اور بیٹے کی آخری رسومات انجام دی گئیں۔اس واقعہ پر ان کے رشتہ داروں پر غم کا پہاڑ ٹوٹ پڑادونوں کی لاشیں دیکھنے کیلئے عوام کی بڑی تعداد ان کے مکان میں جمع ہوگئی۔
۔(یواین آئی)
