برازیلیا ،3 جولائی//برازیل میں کورونا وائرس (کووڈ -19) کے 65،165 نئے کیسز سامنے آنے کے بعد متاثرین کی تعداد بڑھ کر 1،79،87،469 ہو گئی ہے ۔ قومی وزارت صحت نے جمعہ کی رات یہ اطلا ع دی ۔ وزرات کے مطابق اس دوران 1،857 افراد ہلاک بھی ہوئے ہیں ، جس سے ہلاکتوں کی تعداد بڑھ کر 5،21،952 ہو گئی ۔برازیل میں وبا کی شروعات سے اب تک ایک کروڑ 69 لاکھ 80 ہزار سے زیادہ افراد صحتیاب ہوچکے ہیں ۔ اس سے ایک روز قبل ملک میں کورونا کے65،163 نئے کیسزدرج کئےگئے تھے اور2،029 افراد ہلاک ہوئے تھے ۔برازیل کورونا سے ہونے والی اموات کے معاملے میں امریکہ کے بعد دوسرے نمبر پر ہے ۔ امریکہ میں کورونا کی وجہ سے چھ لاکھ سے زیادہ افراد ہلاک ہوچکے ہیں ۔ متاثرین کےمعاملے میں امریکہ اورہندوستان کے بعد برازیل تیسرے نمبر پر ہے۔ ( یواین آئی)
