کوئی بھی ہندوستان کی ایک انچ زمین پر بھی قبضہ نہیں کر سکتا: امت شاہ

بنگلورو//مرکزی وزیر داخلہ امت شاہ نے ہفتہ کے روز زور دے کر کہا کہ وہ ہندوستان-چین سرحد کے بارے میں کبھی پریشان نہیں ہیں کیونکہ وہ جانتے ہیں کہ آئی ٹی بی پی کے اہلکار وہاں کی سرحدوں کی حفاظت کر رہے ہیں اور "اس کی وجہ سے، کوئی بھی ہندوستان کی ایک انچ زمین پر بھی قبضہ نہیں کر سکتا”۔ مسٹر شاہ کرناٹک کے دیوان ہلی میں انڈو تبت بارڈر پولیس (آئی ٹی بی پی) کی نئی تعمیر شدہ عمارتوں کے افتتاح اور بیورو آف پولیس ریسرچ اینڈ ڈیولپمنٹ (بی پی آر اینڈ ڈی) کے سینٹرل ڈیٹیکٹیو ٹریننگ انسٹی ٹیوٹ (سی ڈی ٹی آئی) کا سنگ بنیاد رکھنے کے موقع پر بات کر رہے تھے۔اپنے خطاب میں، وزیر داخلہ نے آئی ٹی بی پی کے ‘ ہمویروں’ کی قوم کے لیے ان کی وقف خدمت کے لیے تعریف کی اور کہا کہ حکومت اہلکاروں کی خدمت کے حالات کو بہتر بنانے کے لیے ہر ممکن اقدامات اٹھا رہی ہے۔انہوں نے کہا کہ آئی ٹی بی پی بہت مشکل حالات میں خدمات انجام دیتا ہے اور قوم ان جوانوں کو ‘ ہمویر’ کے نام سے جانتی ہے۔وزیر داخلہ نے کہا، "آئی ٹی بی پی ہمالیہ کی سخت ترین سرحدوں کو ناگوار حالات میں محفوظ رکھ کر قوم کی خدمت کر رہی ہے۔لوگوں نے آئی ٹی بی پی کے جوانوں کو ‘ ہیمویرکا خطاب دیا ہے جو پدم شری، پدم وبھوشن سے بڑا ہے۔مسٹر شاہ نے کہا: "کوئی بھی ہندوستان کی ایک انچ زمین پر بھی قبضہ نہیں کر سکتا کیونکہ وہ جانتا ہے کہ انڈو تبت بارڈر پولیس (آئی ٹی بی پی) کے اہلکار سرحدوں کی حفاظت کر رہے ہیں۔ان کا یہ تبصرہ 9 دسمبر کو اروناچل پردیش کے توانگ سیکٹر میں ہندوستانی اور چینی افواج کے درمیان لائن آف ایکچوئل کنٹرول پر ہونے والی جھڑپوں کے کچھ دن بعد آیا ہے۔