نگران نیوز
سری نگر// پارلیمنٹ کا 3دن کا خصوصی اجلاس آج سے شروع ہونے جارہا ہے۔ تین روزہ خصوصی اجلاس میں خواتین ریزرویشن ترمیمی بل پیش کی جائے گی۔مسودہ قانون کے مطابق، 2029 میں خواتین کے ریزرویشن قانون پر اطلاق ہونے کے بعد لوک سبھا کی نشستوں کی حد بندی مشق کے بعد موجودہ 543 سے بڑھا کر 850 تک کر دی جائیں گی۔خواتین کے لیے 33 فیصد ریزرویشن کو ایڈجسٹ کرنے کے لیے ریاستی اور یوٹی اسمبلیوں میں بھی نشستیں بڑھائی جائیں گی۔بھارتیہ جنتا پارٹی نے لوک سبھا اور راجیہ سبھا میں اپنے تمام ممبران پارلیمنٹ کو وہپ جاری کیا ہے، جس میں انہیں ہدایت کی گئی ہے کہ وہ اجلاس کے دوران 16 سے 18 اپریل تک ایوان میں موجود رہیں۔ پارٹی نے حاضری کو لازمی قرار دیا ہے اور کہا ہے کہ اس مدت کے دوران کوئی چھٹی نہیں دی جائے گی۔ پارٹی نے اپنے پیغام میں کہا کہ تمام مرکزی وزرا اور اراکین کو تینوں دن ایوان میں موجود رہنا چاہیے۔ اس میں مزید کہا گیا کہ ممبران کو وہپ کی سختی سے تعمیل کرنے اور اپنی بلاتعطل حاضری کو یقینی بنانے کی ضرورت ہے
