لاہور، 13 اگست: انگلینڈ مینزکرکٹ ٹیم اکتوبر میں پاکستان کا دورہ کرے گی اور راولپنڈی کے پنڈی کرکٹ اسٹیڈیم میں پاکستان کے خلاف دو ٹی-20 مقابلےکھیلے گی۔ پاکستان کرکٹ بورڈ (پی سی بی) نے جمعہ کو اس کی تصدیق کی ہے۔مردوں کی ٹیم کے ساتھ انگلینڈ ویمنز ٹیم بھی اسی ماہ پاکستان ویمن ٹیم کے خلاف اسی مقام پر دو ٹی-20 اورتین ایک روزہ میچ کھیلے گی۔ ٹی -20 مقابلے ڈبل ہیڈر ہوں گے جو 13 اور 14 اکتوبر کو کھیلے جائیں گے۔ پی سی بی کے مطابق ایون مورگن کی قیادت میں مردوں کی ٹیم 9 اکتوبر کو ہیتھر نائٹ کی خواتین ٹیم کے ہمراہ اسلام آباد پہنچے گی۔ ٹی 20 سیریز مکمل ہونے کے بعد انگلینڈ کی مرد ٹیم آئی سی سی ٹی 20 ورلڈ کپ کے لیے 15 اکتوبر کو دبئی کے لئے روانہ ہوگی، حالانکہ انگلینڈ کی ویمن ٹیم بالترتیب 1719 اور 21 اکتوبر کو کھیلے جانے والے تین ون ڈے میچوں کے لیے یہیں رکے گی۔قابل ذکر ہے کہ ٹی ٹوئنٹی میچ پہلے 14 اور 15 اکتوبر کو کراچی کے نیشنل اسٹیڈیم میں ہونے والے تھے، لیکن آپریشنل اور لاجسٹک وجوہات کی بناء پرری شیڈول کیا گیا ہے۔ پی سی بی کے چیف ایگزیکٹو وسیم خان نے ایک بیان میں کہا، "ہمیں انگلینڈ کی مرد اور خواتین کی کرکٹ ٹیم کو خوش آمدید کہتے ہوئے خوشی ہورہی ہے۔ انگلینڈ کی مرد ٹیم جہاں 2005 کے بعد پہلی بار پاکستان کا دورہ کر رہی ہے تووہیں خواتین کی ٹیم کایہ پہلا پاکستان کا دورہ ہوگا، حالانکہ انگلینڈ کی مردوں کی ٹیم کا 2022 کے آخری سہ ماہی میں وائٹ بال اور آئی سی سی ورلڈ ٹیسٹ چیمپئن شپ سیریزکے لیے پاکستان واپس آنے کاپروگرام ہے۔ ” (یو این آئی)