بارہمولہ:مرکزی وزیر آیوش ، بندر گاہوں ، جہاز رانی اور آبی گذرگاہ مسٹر سربانند سونو وال نے آج اس بات کی تصدیق کی کہ کشمیری مائیگرنٹ کشمیر کی جامع ثقافت کا حصہ ہیں اور وزیر اعظم نریندر مودی کی قیادت والی مرکزی حکومت کشمیری تارکین وطن کی فلاح و بہبود کیلئے پُر عزم ہے ۔ انہوں نے کہا کہ ان کی بحالی کو یقینی بنانے کیلئے کئی ٹھوس اقدامات کئے گئے ہیں تا کہ وہ اپنے وطن میں امن اور ہم آہنگی کے ساتھ رہیں ۔ ان باتوں کا اظہار وزیر موصوف نے خواجہ باغ بارہمولہ میں ٹرانزٹ رہائشی کیمپ کا سنگِ بنیاد رکھنے کے بعد کیا ۔ ٹرانزٹ کیمپ جس میں تقریباً 337 خاندانوں کیلئے رہائش کی سہولت موجود ہے 4032 لاکھ روپے کی لاگت سے تعمیر کیا جائے گا جس کی قیمت ہر فلیٹ پر 12 لاکھ روپے ہو گی اس مقصد کیلئے تقریباً 50 کنال اراضی حاصل کی گئی ہے ۔ وزیر موصوف نے کشمیر کے لوگوں کو محبت کرنے والی اور ملنسار طبیعت قرار دیتے ہوئے کہا کہ اب وقت آ گیا ہے جب مختلف عقائد کے لوگ امن اور خوشحالی کے ساتھ رہیں ۔ انہوں نے کہا کہ تنوع میں اتحاد جیسا کہ ’’ آزادی کا امرت مہوتسو ‘‘ پہل میں تصور کیا گیا ہے ایک مضبوط قوم کیلئے واحد متحد عنصر ہے ۔ یہ بات قابلِ ذکر ہے کہ مرکزی وزیر اعلیٰ عہدیداروں کے ہمراہ مرکزی حکومت کے خصوصی عوامی آؤٹ ریچ پروگرام کے ایک حصے کے طور پر ضلع بارہمولہ کے دو روزہ دورے پر تھے جس کا مقصد مختلف اسٹیک ہولڈرز کی رائے حاصل کرنا ہے اور ان کی ترقیاتی خواہشات اور دیگر خدشات کو سُننا ہے ۔ اپنے دورے کے دوسرے مرحلے پر وزیر نے کئی وفود سے ملاقات کی جنہوں نے انہیں اپنے مطالبات اور شکایات سے آگاہ کیا ۔ نیشنل کانفرنس ، پیپلز ڈیموکریٹک ، انڈین نیشنل کانگریس ، جے کے اپنی پارٹی سمیت مختلف سیاسی جماعتوں کے نمائندوں نے وزیر سے ملاقات کی جس میں انہوں نے یکجا ہو کر جموں و کشمیر کو ریاست کا درجہ بحال کرنے کا اعادہ کیا ۔ تا ہم ان سیاسی وفود نے معاشرے کی سماجی و اقتصادی ترقی سے متعلق کئی دیگر مطالبات اور شکایات کو اجاگر کیا ۔ ان میں آیوش اداروں میں بنیادی انفراسٹرکچرکی اپ گریڈیشن ، جہاں بھی ممکن ہو آبی گذرگاہوں کی ترقی ، دوسروں کے درمیان شامل ہیں ۔ اسی طرح پی آر آئی کے ایک وفد نے ڈی ڈی سی چئیر پرسن بارہمولہ سفینہ بیگ کی قیادت میں آؤٹ ریچ پروگرام کے انعقاد پر مرکزی حکومت کا شکریہ ادا کیا تا کہ عام لوگوں کو سنا جا سکے ۔ اس نے کئی ترقیاتی مسائل کو اجاگر کیا اور عام لوگوں کی امنگوں کو پورا کرنے کیلئے از سر نو تلاش کی ۔ مسٹر سربا نند سونووال نے ان کی سماعت کی اور وفود کے ساتھ ہونے والی ملاقات پر خوشی کا اظہار کیا ۔ انہوں نے کہا کہ مرکزی حکومت جموں و کشمیر کی ترقی کیلئے ایک اچھا خواب دیکھتی ہے ۔ انہوں نے مزید کہا کہ موجودہ آؤٹ ریچ پروگرام حکومت کی جانب سے لوگوں کے بنیادی مسائل کو جاننے کیلئے شروع کیا گیا ہے ۔ انہوں نے یقین دلایا کہ وفود کی جانب سے پیش کردہ مطالبات اور شکایات کا نوٹس لیا گیا ہے اور انہیں مرکزی سطح پر حکومت کے ساتھ ساتھ لفٹینٹ گورنر کے ساتھ ان کے بروقت ازالے کیلئے پیش کیا جائے گا ۔ وزیر موصوف نے کہا کہ حکومت ہند پہلے ہی مختلف فلیگ شپ پروگراموں پر کام کر رہی ہے جس کا مقصد لوگوں کی سماجی و اقتصادی حثیت کو ترقی دینا ہے اور نئی اسکیموں کی تعداد بھی پائپ لائین میں ہے ۔
