نئی دہلی ، 20 اکتوبر: مرکزی حکومت نے ہندوستان آنے والے تمام غیر ملکی مسافروں کے لیے نئے رہنما خطوط جاری کرتے ہوئے کہا ہے کہ ایسے تمام افراد کو 72 گھنٹے پہلے کی آرٹی – پی سی آر ٹیسٹ کی مثبت رپورٹ پیش کرنی ہوگی اور اپنے موبائل فون پر اروگیہ سیتو ایپ رکھنا ہو گا ۔مرکزی وزارت برائے صحت اور خاندانی بہبود نے بدھ کو یہاں جاری کردہ رہنما خطوط میں کہا کہ غیر ملکی مسافروں کو خود تصدیق شدہ اعلان کرنا ہوگا اور اسے ایئر سویدھا پورٹل پر ڈالنا ہوگا۔ اس کے علاوہ سفر سے 72 گھنٹے پہلے کی کووڈ نیگیٹو رپورٹ دینی ہو گی ۔ نئے رہنما خطوط 25 اکتوبر کی آدھی رات سے لاگو ہوں گے اور اگلے احکامات تک لاگو رہیں گے ۔ حکومت نے کہا ہے کہ جن ممالک میں ویکسین والے ہندوستانیوں کو آمد پر قرنطینہ میں چھوٹ ملی ہے ،ان ممالک کے شہریوں کوہندوستان بھی قرنطینہ میں چھوٹ دے گا ۔ ہندوستان نے ہدایات کے ساتھ مختلف ممالک کے دو کیٹگری جاری کی ہیں ۔ پہلی کیٹگری میں ان ممالک کو رکھا گیا ہے جن کو ہندوستان ’سب سے زیادہ کووڈ کے خطرے والے ممالک‘ سمجھتا ہے۔ان ممالک میں برطانیہ سمیت یورپ کے تمام ممالک جنوبی افریقہ ، برازیل ، بنگلہ دیش ، بوٹسوانا ، چین ، ماریشس ، نیوزی لینڈ اور زمبابوے شامل ہیں۔ دوسری کیٹگری میں وہ ممالک شامل ہیں جنہوں نے ہندوستانی کووڈ ٹیکوں اور عالمی ادارہ صحت کے ٹیکوں کی فہرست کو تسلیم کیا ہے یاہندوستانی شہریوں کی آمد پر کوئی پابندی نہیں لگائی ہے ۔ ان ممالک میں برطانیہ ، فرانس ، جرمنی ، نیپال ، بیلاروس ، لبنان ، آرمینیا ، یوکرین ، بیلجیم ، ہنگری اور سربیا شامل ہیں۔ ہدایات کے مطابق بغیر ٹیکہ لگوائے یا تسلیم شدہ کووڈ ویکسین لیے غیرملکی شخص کو 14 دن تک ہندوستان میں قرنطینہ میں رہنا پڑے گا ۔ (یو این آئی)
