اٹاوہ:03نومبر:سماجوادی پارٹی(ایس پی)سربراہ اکھلیش یادو نے اپنے چچا و پرگتی شیل سماج وادی پارٹی سربراہ شیوپال سنگھ یادو کو دیوالی کا بڑا تحفہ دیتے ہوئے اعلان کیا ہے کہ چچا کے پہلے کے مقابلے زیادہ سے زیادہ احترام دے کر ان کی پارٹی سے اتحاد کیا جائے گا۔اپنے آبائی گاؤں سیفئی کے پی ڈبلیو ڈی ڈپارٹمنٹ کے گیسٹ ہاوس میں پارٹی کارکنوں سے دیوالی کے موقع پرمل کر مبارک باد دینے کے بعد میڈیا نمائندوں سے بات چیت میں کہا’نیتا جی کی یوم پیدائش تو بعد میں آئے گا ہم تو آج ہی بو دے رہے ہیں چچا کا پورا احترام کیا جائے گا۔انتخابی اتحاد کے ایک سوال پر اکھلیش نے کہاسماج وادی پارٹی نے لگاتار کوششیں کی ہیں۔علاقائی اور چھوٹی پارٹیوں کے ساتھ اتحاد قائم ہو۔ اس میں کئی پارٹیاں سماج وادی پارٹی کے ساتھ آئی ہیں۔اوم پرکاس راج بھر نے ایک تاریخی بڑا پروگرام کیا ہے۔ سماجوادی پارٹی کی کوشش ہے کہ جتنی بھی پارٹیاں ہیں ان کو جوڑا جائے اور خوش قسمتی سے چچا کی بھی ایک پارٹی ہے۔ اس پارٹی کو بھی ساتھ لانے کا کام کریں گے۔ پورا احترام ہوگا۔ ان کی زیادہ سے زیادہ تکریم کی جائے گی۔ یہ میرا بھروسہ ہے۔ایس پی سربراہ نے کہا ابھی ہم چھوٹی پارٹیاں سے جس طرح سے اتحاد کررہے ہیں۔ اسی طرح سے ان کو ساتھ لاکر اتحاد کریں گے۔ انہوں نے کہا ہم دیوالی منا رہے ہیں وہیں غور کرنا پڑے گا۔ آج بھی غریب غریبی کی وجہ سے پیٹ بھر کھانہ نہیں کھا پارہا ہے جس سے جوش اور خوشی کے ساتھ تیوہار منانا چاہ رہا ہے لیکن وہ مہنگائی کی وجہ سے تیوہار نہیں منا پارہا ہے۔کسان بحران میں جی رہا ہے۔ ہندوستان کا کسان بحران میں جائے تو ہماری معیشت کہاں ہوگی۔ آج اترپردیش میں کھاد کسانوں کو نہیں مل پارہی ہے۔ کئی کسان لائن میں لگ کر جان دے چکے ہیں۔کچھ کسانوں نے تو پھانسی لگا لی ہے۔ حکومت اپنی ذمہ داری نہیں نبھا پارہی ہے۔ جس طرح سے مہنگائی میں اضافہ ہوا ہے۔ عوام دکھی ہیں۔ آنے والے وقت میں بی جےپی کا صفایا یقینی ہے۔(یواین آئی)
