نئی دہلی، 15 نومبر: حکومت نے باقاعدہ طورپر جلدی جلدی آنے والے معاشی اعدادوشمار کا ذکر کرتے ہوئے پیر کو دعوی کیا کہ ملک میں اقتصادی حالت بہتر ہورہی ہے، اقتصادی سرگرمیاں تیز ہورہی ہے اور آئندہ کے امکانات بھی اچھے ہیں۔وزارت خزانہ نے آج ایک بیان میں کہا کہ ستمبر 2021انڈیکس آف انڈسٹریل پروڈکشن (آئی آئی پی) کا فوری تخمینہ صنعتی پیداوار میں مسلسل اضافہ کو ظاہر کرتا ہے۔ستمبر میں صنعتی اضافہ گرکر 3.1رہا۔ یہ گراوٹ خاص طورپر تقابلی بنیاد کا فائدہ ختم ہونے کی وجہ سے نظر آئی۔ حکومت نے ذکر کیا ہے کہ مالی سال 2021-22میں آئی آئی پی، پہلی سہ ماہی میں 121.3کی اوسط سے بڑھ کر دوسری سہ ماہی میں 130.2ہوگیا ہے۔وزارت خزانہ کے مطابق دوسری سہ ماہی میں بھی آئی آئی پی اب بھی زیادہ ہوتا لیکن بھاری نقصان کی وجہ سے کانکنی سرگرمیوں خاص طورپر کوئلے کی کانکنی میں کمی ہوئی جس کے نتیجہ میں بجلی کی پیداوار میں سامنے آئی رکاوٹوں کی وجہ سے مجموعی پیداوار انڈیکس میں اضافہ متاثر رہا ہے۔حکومت کا کہنا ہے کہ اکتوبر 2021میں مینوفیکچرنگ کے لئے پرچیس منیجنگ انڈیکس (پی ایم آئی) کے آٹھ مہینہ کی اعلی سطح 55.9تک پہنچنے کے بعد آئندہ مہینوں میں اس میں مزید اضافہ کا امکان ہے۔اسی طرح اس کا کہنا ہے کہ سال 2021-22کی پہلی سہ ماہی کے 74.0کے اوسط سے دوسری سہ ماہی میں 91.7تک کیپٹیل گڈس انڈیکس میں اضافہ سرمایہ کاری میں نمایاں بہتری کی نشاندہی کرتا ہے۔ (یو این آئی)
