اسلام آباد:پاکستان تحریک انصاف (پی ٹی آئی) کے ایک رکن اسمبلی نے پارٹی کے صدر عمران خان کو کسی طرح کا نقصان پہنچنے پر خود کش حملہ کرنے کی دھمکی دی ہے۔پی ٹی آئی کے رکن اسمبلی عطاء اللہ نے یہ دھمکی سوشل میڈیا پر وائرل ہونے والی ایک ویڈیو میں دی ہے۔ویڈیو میں عطاء اللہ کو تنبیہ کرتے ہوئے سنا جا سکتا ہے کہ ’اگر عمران خان کو بال برابر بھی نقصان پہنچایا جاتا ہے تو ملک چلانے والوں کو خبردار کیا جاتا ہے کہ نہ تو آپ اور نہ ہی آپ کے بچے بچیں گے ۔ سب سے پہلے میں آپ پر خودکش حملہ کروں گا۔ میں تمہیں جانے نہیں دوں گا۔ اسی طرح ہزاروں کارکن تیار ہیں۔خیال ر ہے کہ مارچ کے آخر میں مسٹر خان کی حکومت کے آخری چند ہفتوں میں مسٹر عمران کی جان کو لاحق خطرے کو سب سے پہلے فیصل واوڈا نے عام کیا۔ اس کے بعد اپریل کے اوائل میں سابق وزیر اطلاعات فواد چوہدری نے انکشاف کیا تھا کہ ملکی سیکیورٹی ایجنسیوں نے عمران کو قتل کی سازش کی معلومات دی ہے۔
