نئی دلی// وزیر دفاع راج ناتھ سنگھ نے ہفتہ کے روز کہا کہ ہندوستان سپر پاور بننے کا خواہاں ہے اور پوری دنیا کی فلاح و بہبود کے لئے کام کرتا ہے اور اس بات پر زور دیا کہ "ہم کبھی کسی دوسرے ملک کی ایک انچ زمین پر بھی قبضہ کرنے کا ارادہ نہیں رکھیں گے۔قومی دارالحکومت میں فکی کے سالانہ کنونشن اور سالان جنرل میٹنگ سے خطاب کرتے ہوئے، مرکزی وزیر نے کہا، "ہم دنیا کی فلاح و بہبود کے لیے کام کرنے کے لیے ایک سپر پاور بننا چاہتے ہیں۔” "وزیر اعظم نریندر مود ی نے لال قلعہ سے اپنے خطاب کے دوران ملک سے پانچ وعدوں کے بارے میں بات کی، جو ہندوستان کو سپر پاور بنانے کے لیے ضروری ہیں اور یہ نہ سمجھا جائے کہ ہم کسی ملک پر غلبہ حاصل کرنا چاہتے ہیں یا ہمارا قبضہ کرنے کا ارادہ ہے۔ کسی دوسرے ملک کی ایک انچ زمین پر بھی قبضہ کرنے کا ہمارا کوئی ارادہ نہیں ہے۔حالیہ ہند-چین سرحدی جھڑپ پر بات کرتے ہوئے، وزیر دفاع نے کہا، "چاہے یہ گالوان ہو یا توانگ، ہماری دفاعی افواج نے اپنی بہادری اور شجاعت کا ثبوت دیا ہے۔”1949 میں چین کی جی ڈی پی ہندوستان سے کم تھی۔ 1980 تک ہندوستان ٹاپ 10 معیشتوں کی فہرست میں بھی نہیں تھا… 2014 میں ہندوستان عالمی معیشتوں میں 9ویں نمبر پر تھا۔ آج ہندوستان 3.5 ٹریلین ڈالر کی معیشت کے قریب ہے اور دنیا میں 5 ویں سب سے بڑی ہے۔
