سرینگر//پاکستان پر بھارت کو غیر مستحکم اور کمزور کرنے کا الزام عائد کرتے ہوئے وزیر دفاع راجناتھ سنگھ نے کہا کہ بھارت اب کمزور ملک نہیں ہے ہم اپنی سرزمین کے خلاف کسی بھی سازش کو برداشت نہیں کرسکتے ہیں جو ہم نے سرجیکل سٹرایک سے ثابت بھی کردیا ہے ۔انہوں نے مزید کہا کہ ہندوستان کی آواز کو بین الاقوامی سطح پر پہچان مل رہی ہے اور دنیا بین الاقوامی فورم پر ملک کے خیالات کو سنتی ہے۔ سی این آئی مانیٹرنگ ڈیسک کے مطابق دہرادون میں سوامی رام ہمالین یونیورسٹی کی ایک تقریب سے خطاب کرتے ہوئے وزیر دفاع راجناتھ سنگھ نے کہا کہ پہلے اگر ہندوستان بین الاقوامی فورمز پر کچھ بولتا تھا تو دنیا ہندوستان کی باتوں کو سنجیدگی سے نہیں سنتی تھی۔ لیکن آج جب ہندوستان بین الاقوامی فورمز پر کچھ بولتا ہے تو پوری دنیا کھلے کانوں سے سنتی ہے۔ اسی دوران انہوںنے پاکستان کو نشانہ بناتے ہوئے کہا کہ پڑوسی ملک ہندوستان کو غیر مستحکم کرنے اور تقسیم کرنے کی کوششیں کر رہا ہے تاہم وہ اپنے منصوبوں میں کامیاب نہیں ہوتا ہے ۔ زیر دفاع نے کہا کہ پاکستان بھارت کے خلاف اپنی درپردہ جنگ جاری رکھے ہوئے ہیں جس کو بھارتی فوج ناکام بنارہی ہے ۔انہوںنے بتایا کہ بھارت کسی بھی جارحیت کا بھر پور جواب سے سکتا ہے اور اس کا ثبوت ہم نے سرجیکل سٹرائک سے دیا ہے ۔ اس سے پہلے کوئی فضائی حملہ، سرجیکل اسٹرائیک نہیں تھا لیکن ہم نے کیا اور پیغام دیا کہ ہم اپنی سرزمین اور سرحد کے اس پار بھی تخریب کاروں کو مار سکتے ہیں۔وزیر نے ملک میں سیاسی میدان میں ہونے والی پیش رفت کے بارے میں بھی بات کی۔سیاست دانوں کے قول و فعل میں فرق کی وجہ سے لوگوں کا سیاست دانوں سے اعتماد اٹھنے لگا۔ ہماری حکومت نے اسے ایک چیلنج کے طور پر قبول کیا اور اسے ختم کرنے کے لیے کام کر رہی ہے۔ ہم جو کہتے ہیں وہ کرتے ہیں۔
