سرینگر//صدر جمہوریہ دروپدی مرمو نے والدین اور معاشرے پر تعلیم نسواں کے فروغ پر زور دیا ہے اور خواتین کو بااختیار بنانے میں مدد کے لئے کہا ہے۔سی این آئی کے مطابق صدر جمہوریہدروپدی مرمو نے ملک کے جنوبی حصے کے اپنے پانچ روزہ دورے کے تحت آج حیدرآباد میں کیشومیموریل ایجوکیشن سوسائٹی کے طلبا اور اساتذہ سے خطاب کیا۔ انھوں نے تعلیم کی اہمیت،اطمینان بخش طرز زندگی اور ثقافتی ورثے کے تحفظ پر زور دیا۔ بھارتی آئین کو دنیا کاسب سے بہترین آئین قرار دیتے ہوئے انھوں نے خود اپنے اور کنبے کے لئے ایک ذاتی آئینبنانے کے لئے بھی کہا جو اقدار کے نظام اور ثقافتی ورثے پر مبنی ہو۔ صدر جمہوریہنے والدین اور معاشرے پر تعلیم نسواں کے فروغ پر زور دیا اور خواتین کو بااختیاربنانے میں مدد کے لئے کہا۔ صدر جمہوریہ نے کیمپس میں سردار بھلبھ بھائی پٹیل اورجسٹس Koratkar کے مجسمے پر گلہائے عقیدت بھی نذر کئے۔انھوں نے اطلاعات و نشریات کی وزارت کی جانب سے آزادی کا امرت مہوتسو کے تحت ایکتصویروں کی نمائش کا بھی افتتاح کیا۔