جموں//لیفٹیننٹ گورنر جناب منوج سنہا نے آج سول سیکرٹریٹ میں پبلک سیکٹر کے بینکوں، انتظامی محکموں اور دیگر مالیاتی اداروں کی ایک اعلیٰ سطحی میٹنگ کی صدارت کی۔ لیفٹیننٹ گورنر نے پچھلی میٹنگ میں ممکنہ کاروباریوں کو بغیر کسی رکاوٹ کے قرضے دینے اور دیگر سرکاری اسکیموں کی عمل آوری کے بارے میں دی گئی ہدایات پر کی گئی کارروائی کا جائزہ لیا جس کا مقصد معاشرے کے خواہشمندوں کے خوابوں کو پورا کرنا ہے۔ لیفٹیننٹ گورنر نے پبلک سیکٹر کے بینکوں اور دیگر مالیاتی اداروں کو ہدایت دی کہ حکومتی فوائد براہ راست لوگوں تک پہنچنے کو یقینی بنانے کے لیے وقف اقدامات کریں اور ممکنہ کاروباری افراد، کسانوں، سیلف ہیلپ گروپاور دیہی ترقی کے لیے قرض دینے پر زیادہ زور دیں۔ انہوں نے کہا کہ بینکنگ سیکٹر جموں و کشمیر کی بڑھتی ہوئی معیشت کی ریڑھ کی ہڈی ہے اور عام آدمی، کسانوں، صنعتو ں ، سیلف ہیلپ گروپساور نوجوان کاروباریوں کی سہولت کے لیے اجتماعی کوششیں کی جانی چاہئیں۔ بینکوں کو تمام فلیگ شپ اسکیموں کے استفادہ کنندگان تک پہنچنے میں حکومت کی کوششوں میں تعاون اور تکمیل کرنے کی ضرورت ہے۔ انہوں نے یہ بھی مشاہدہ کیا کہ بیک ٹو ولیج-4 اور مائی ٹاؤن مائی پرائیڈ پروگرام کے دوران، جے اینڈ کے بینک نے حال ہی میں 75,000 نوجوانوں کو مالی مدد فراہم کرنے میں 90% کا بڑا حصہ یقینی بنایا، جب کہ دیگر بینکوں نے محض 10% حصہ ڈالا۔ اس صورتحال کو تبدیل کرنے کی ضرورت ہے۔ تمام بینکوں کو چاہیے کہ وہ نوجوانوں، خواتین اور معاشرے کے پسماندہ طبقوں کے لوگوں میں کاروبار کو فروغ دینے کے لیے قرضے میں اضافہ کریں۔ لیفٹیننٹ گورنر نے کسان کریڈٹ کارڈ کے فوائد کو تمام اہل کسانوں تک پہنچانے کے لیے حاصل کی گئی پیش رفت کا بھی جائزہ لیا۔ بینکوں کو ہدایت دی گئی تھی کہ وہ آر بی آئی کے ڈیلیوری چینلز کی پیروی کریں اور جون، 2023 تک کے سی سی کھاتہ داروں کو اسمارٹ کارڈز کی تقسیم کو مکمل کریں۔ لیفٹیننٹ گورنر نے نوڈل ایجنسیوں کے ذریعے بینکوں کو درکار پروجیکٹ رپورٹس تیار کرنے میں کسانوں کی مدد اور رہنمائی پر زور دیا۔ لیفٹیننٹ گورنر نے مزید کہا کہ انہوں نے مختلف شعبوں کی ضروریات کو سمجھنے کے لیے مشن یوتھ اور دیگر سرکاری محکموں کے ساتھ ضلعی سطح پر باقاعدہ میٹنگیں کرنے پر بھی زور دیا۔ ایل جی موصوف کو آنے والے ’سٹیزن پورٹل برائے حکومتی اسپانسرڈ اسکیموں‘ کے بارے میں بھی بریفنگ دی گئی۔ جلد ہی شروع ہونے والا پورٹل، جو جے اینڈ کے بینک کے ذریعہ تیار کیا گیا ہے، اس بات کو یقینی بنائے گا کہ جموں کشمیر میں کام کرنے والے تمام بینک بغیر کسی رکاوٹ کے سرکاری اسکیموں کے تمام فوائد اہل استفادہ کنندگان تک پہنچائیں۔ یہ پورٹل ایک شہری کو او ٹی پی توثیق کے ساتھ حکومت کے زیر اہتمام اسکیموں کے لیے براہ راست آن لائن درخواست دینے کے قابل بنائے گا اور اس کی درخواست کی حیثیت آن لائن چیک کرے گا۔یہ ایک مربوط ورک فلو میں شہریوں کی درخواستوں کو مناسب محکموں اور ٹیموں کو بھیجے گا/روٹ کرے گا اور محکموں اور ٹیموں کو ان درخواستوں کو پروسیس کرنے اور متعلقہ مالیاتی ایجنسیوں کو بھیجنے/روٹ کرنے کے قابل بنائے گا۔ مزید یہ کہ مالیاتی ایجنسیاں ان درخواستوں کی پوسٹ پروسیسنگ کے لیے اسٹیٹس کو اپ ڈیٹ کر سکتی ہیں۔ میٹنگ میں ڈاکٹر ارون کمار مہتا، چیف سکریٹری؛ جناب اٹل ڈولو، ایڈیشنل چیف سیکرٹری، محکمہ زراعت کی پیداوار؛ ایس بلدیو پرکاش، ایم ڈی اور سی ای او جے اینڈ کے بینک؛ انتظامی سیکرٹریز؛ یو ٹی میں کام کرنے والے کئی بینکوں کے صدور، سربراہان اور نمائندوں نے میٹنگ میں شرکت کی
