نگران نیوز
سری نگر// چنئی سے سرینگر کے بین الاقوامی ہوائی اڈے پر پہنچنے والے ایک مسافر کے پاس ہفتہ کو انکم ٹیکس یونٹ کی چیکنگ کے دوران تقریباً 15 لاکھ روپے کی نقدی پائی گئی۔ حکام نے بتایاکہ مسافر جس کی شناخت خورشید احمد خان کے نام سے ہوئی ہے،جو دہلی کے راستے سری نگر پہنچا تھا۔ اس نے چنئی سے دہلی کی پرواز AI-2832 کے ذریعے سفر کیا اور بعد میں دہلی سے سری نگر کی پرواز AI-1739 میں سوار ہوا۔حکام نے بتایا کہ سری نگر بین الاقوامی ہوائی اڈے پر تعینات انکم ٹیکس یونٹ کے ذریعہ ہوائی اڈے پر معمول کی چیکنگ کے دوران نقدی کا پتہ چلا۔پوچھ گچھ کے دوران، مسافر نے مبینہ طور پر حکام کو بتایا کہ وہ گزشتہ 40 سالوں سے چنئی میں دستکاری کا کاروبار چلا رہا ہے۔انہوں نے مزید کہا کہ یہ رقم ان کے خاندان میں شادی کی تقریب سے متعلق اخراجات کے لیے لے جایا جا رہا ہے۔ اس کے بعد متعلقہ حکام نے تصدیق اور مزید قانونی کارروائیوں کے لیے نقد رقم ضبط کر لی۔حکام نے بتایا کہ مسافر کو اس معاملے میں مزید کارروائی کے لیے پیر کو سمندر باغ، سری نگر میں واقع انکم ٹیکس آفس میں حاضر ہونے کی ہدایت کی گئی ہے۔
