نئی دہلی، 13 جنوری//وزیر اعظم نریندر مودی نے ہفتہ کو کہا کہ ہندوستان کو ایک ترقی یافتہ اور خود کفیل ملک بنانے کے مقصد کو حاصل کرنے کی کوششوں کو روحانی دنیا کے لوگوں سے توانائی ملتی ہے۔چرن سماج کے ذریعہ پوجیہ آئی شری سونل ماں کی تین روزہ پیدائش صد سالہ تقریب کی یاد میں ایک ویڈیو پیغام میں مسٹر مودی نے کہا، ’’آج جب ہندوستان ترقی یافتہ ہونے، خود کفیل بننے کے مقصد پر کام کر رہا ہے، تو آئی شری سونل ماں کی تحریک، ہمیں نئی توانائی دیتی ہے۔ ان مقاصد کو حاصل کرنے میں چرن سماج کا بھی بڑا رول ہے۔اس تقریب کا اہتمام اس سماج کے عقیدے کے مرکز مڈھ ڈا دھام میں کیا گیا ہے۔وزیر اعظم نے کہا کہ شری سونل ماں ملک، چرن برادری اور ماتا سرسوتی کے تمام اپاسکوں کے لیے عظیم تعاون کی ایک عظیم علامت ہیں۔ بھگوت پران جیسی کتابوں میں، چرن برادری کو شری ہری کی براہ راست اولاد کہا گیا ہے۔ اس سماج پر ماں سرسوتی کا خصوصی کرم ہے۔ اسی لیے اس معاشرے میں ایک کے بعد ایک عالم نے روایت کو جاری رکھا ہوا ہے۔مسٹر مودی نے کہا کہ سونل ماں کے ذریعہ دیے گئے 51 احکامات چرن سماج کے لیے رہنمائی ?ا ذریعہ ہیں۔ چرن برادری پر زور دیا کہ وہ سماج میں بیداری پیدا کرنے کے لیے کام جاری رکھیں۔ انہوں نے سماجی ہم آہنگی کو مضبوط کرنے کے لیے مڈھ ڈا دھام میں جاری سداورتا کے مسلسل یگیہ کی تعریف کی اور اس یقین کا اظہار کیا کہ مڈھا ڈا دھام مستقبل میںبھی قوم کی تعمیر کی ایسی بے شمار رسومات کو تحریک دیتا رہے گا۔ چرن برادری کے لوگ بنیادی طور پر گجرات سوراشٹر کے علاقے کے باشندے ہیں۔وزیر اعظم نے کہا، ‘ گجرات اور سوراشٹر کی سرزمین عظیم سنتوں اور شخصیات کی سرزمین رہی ہیں۔ سوراشٹرا کی اس لازوال سنت روایت میں شری سونل ماں جدید دور کے لیے روشنی کی کرن کی طرح تھیں۔ اْن کی روحانی توانائی، انسانی تعلیمات اور تپسیا نے ان کی شخصیت میں ایک حیرت انگیز الوہی ?شش پیدا کی جسے آج بھی جوناگڑھ اور مڈھ ڈا کے سونل دھام میں محسوس کیا جا سکتا ہے،انہوں نے کہاکہ شری سونل ماں کی طاقتور تقریر خود اس کی ایک بڑی مثال رہی ہے۔ انہوں نے کبھی روایتی طریقوں سے تعلیم حاصل نہیں کی، لیکن انہیں سنسکرت جیسی زبان پر مکمل عبور حاصل تھا اور صحیفوں کا گہرا علم تھا۔ جس نے بھی ان سے رامائن کی کہانی سنی وہ اسے کبھی نہیں بھول سکتا۔ وزیراعظم نے اپنے پیغام میں اجودھیا میں رام جنم بھومی مندر کا بھی ذکر کیا۔ انہوں نے کہا، ’’ہم سب تصور کرسکتے ہیں کہ آج جب اجودھیا میں 22 جنوری کو اجودھیا کے شری رام مندر میں پران پرتیشتھا کی تقریب ہونے جارہی ہے، تو شری سونل ماں کتنی خوش ہوں گی۔ انہوں نے شری رام مندر میں رام للا کی مورتی کی پران پرتیشٹھا تقریب کے دن 22 جنوری کوہر گھر میں شری رام جیوتی کو روشن کرنے کی اپیل کی۔مسٹر مودی نے مندروں میں صفائی کے لیے کل سے شروع کی گئی خصوصی مہم کا بھی ذکر کیا۔ اس سمت میں بھی ہم سے مل کر کام کرنے کی اپیل کی۔ انہوں نے کہا، ‘مجھے یقین ہے کہ ہماری کوششوں سے شری سونل ماں کی خوشی کئی گنا بڑھ جائے گی۔یواین آئی
