جموں و کشمیرمیں دیرپا امن کا قیام اب ایک حقیقت حکومت قومی سلامتی کو مضبوط بنانے اور پائیدار امن اور ترقی کو یقینی بنانے کیلئے پرعزم
جموں و کشمیر مستقل امن کی طرف بڑھ رہا ہے کی بات کرتے ہوئے مرکزی وزیر داخلہ امیت شاہ نے اس بات پر زور دیا کہ دفعہ 370 کی منسوخی کے بعد سے تشدد کے واقعات میں نمایاں کمی آئی ہے۔انہوں نے مزید کہا کہ آنے والے سالوں میں ملک میں تین نئے فوجداری قوانین کے مکمل نفاذ کے بعد، فوجداری مقدمات میں سزا کی شرح 80 فیصد تک پہنچ جائے گی۔سٹار نیوز نیٹ ورک کے مطابق دہلی پولیس کے 79 ویں یوم تاسیس کی تقریبات سے خطاب کرتے ہوئے وزیر داخلہ امیت شاہ نے کہا کہ ملک کے داخلی سلامتی کے منظر نامے میں گزشتہ دہائی کے دوران ایک غیر معمولی تبدیلی دیکھنے میں آئی ہے۔ انہوں نے کہا کہ جموں و کشمیر، شمال مشرقی اور بائیں بازو کے انتہا پسندی سے متاثرہ علاقوں میں تشدد میں 80 فیصد سے زیادہ کمی آئی ہے۔انہوں نے کہا ” وہ دن دور نہیں جب یہ علاقے تشدد سے مکمل طور پر آزاد ہو جائیں گے۔ 31 مارچ 2026 تک ملک سے ماو ¿ ازم کا خاتمہ ہو جائے گا۔ “ تقریب کے دوران، وزیر داخلہ نے 375 کروڑ روپے کی تخمینہ لاگت سے تعمیر کیے گئے نئے دہلی پولیس اسپیشل سیل انٹیگریٹڈ ہیڈ کوارٹر کا بھی افتتاح کیا۔ انہوں نے اسے ملک کا سب سے جدید انسداد منشیات اور انسداد دہشت گردی کا مرکز قرار دیتے ہوئے مزید کہا کہ یہ ملک بھر میں پولیس فورسز کے لیے ایک معیار کے طور پر کام کرے گا۔شاہ نے فوجداری انصاف کے نظام میں اصلاحات پر مزید روشنی ڈالتے ہوئے کہا کہ اگلے دو سالوں میں تین نئے فوجداری قوانین کے مکمل نفاذ کے ساتھ، ایف آئی آر کے اندراج سے لے کر سپریم کورٹ کے حتمی فیصلے تک کا وقت کم ہو کر تین سال سے کم ہو جائے گا۔ انہوں نے کہا کہ دہشت گردی کو اب فوجداری قانون میں واضح طور پر بیان کیا گیا ہے، جس سے مضبوط اور زیادہ موثر کارروائی ممکن ہو رہی ہے۔انہوں نے اس بات کا اعادہ کیا کہ حکومت قومی سلامتی کو مضبوط بنانے اور جموں و کشمیر میں پائیدار امن اور ترقی کو یقینی بنانے کے لیے پرعزم ہے۔امیت شاہ نے کہا کہ آنے والے سالوں میں ملک میں تین نئے فوجداری قوانین کے مکمل نفاذ کے بعد، فوجداری مقدمات میں سزا کی شرح 80 فیصد تک پہنچ جائے گی۔شاہ نے کہا کہ تین نئے انصاف پر مبنی فوجداری قوانین گزشتہ 11 سالوں میں ملک کی جانب سے حاصل کیے گئے سنگ میلوں میں سے ایک ہیں جو آنے والے چند سالوں میں مکمل طور پر نافذ ہونے کے بعد مقدمات کے نمٹانے اور سزا سنانے کی شرح کو بڑھانے میں مدد کریں گے۔شاہ نے دہلی پولیس کی ستائش کرتے ہوئے کہا کہ وہ قومی دارالحکومت کو درپیش چیلنجوں سے کامیابی کے ساتھ نمٹنے میں کامیاب رہی ہے جو ملک کی جمہوریت کی دھڑکن اور اس کی عزت اور شناخت کی علامت ہے۔
