نگران نیوز
سرینگر// پلوامہ ضلع میں پولیس نے کاکا پورہ کے للہار علاقے میں 32.19 لاکھ مالیت کا ایک دو منزلہ رہائشی مکان ضبط کیا ہے۔حکام نے بتایا کہ یہ جائیداد منشیات کے سزا یافتہ مجرم عبدالحمید بھٹ عرف حمید پوج ولد محمد اسماعیل للہار کی ہے۔ یہ کارروائی این ڈی پی ایس ایکٹ کی دفعہ 8/22 کے تحت پولیس سٹیشن کاکاپورہ میں درج ایف آئی آر نمبر 42/2018 سے منسلک ہے۔انہوں نے کہا کہ ملزم کو پہلے ہی پرنسپل ڈسٹرکٹ اینڈ سیشن جج، پلوامہ نے مجرم قرار دیا ہے، اور اسے 10 سال کی سخت قید کے ساتھ ایک لاکھ روپے جرمانے کی سزا سنائی ہے۔تفتیش اور بعد ازاں قانونی کارروائی کے دوران، مکان کی نشاندہی کی گئی کہ وہ منشیات کی غیر قانونی اسمگلنگ کی رقم سے حاصل کیا گیا تھا۔ مناسب قانونی عمل کے بعد، اسے NDPS ایکٹ، 1985 کی دفعہ 68-F کے تحت منسلک کیا گیا ہے۔
