پٹرول اور ڈیزل کی قیمتوں میںکوئی تبدیلی نہیں

نئی دہلی // بین الاقوامی مارکیٹ میں خام تیل کی قیمتوں میں نرمی کے باعث مقامی مارکیٹ میں پٹرول اور ڈیزل کی قیمتیں مستحکم رہیں۔ پبلک سیکٹر آئل مارکیٹنگ کمپنیوں نے مسلسل 17 ویں دن دونوں ایندھن کی قیمتوں میں کوئی تبدیلی نہیں کی۔ منگل کو ملک کے دارالحکومت دہلی میں پٹرول 101.84 روپے فی لیٹر اور ڈیزل 89.87 روپے فی لیٹر رہا۔انڈین آئل کی ویب سائٹ کے مطابق ملک کے دیگر میٹرو ممبئی ، چنئی اور کولکاتہ میں پٹرول بالترتیب 107.83 روپے ، 102.49 روپے اور 102.08 روپے فی لیٹر مل رہا ہے۔ ساتھ ہی ان میٹرو میں ڈیزل بھی بالترتیب 97.45 روپے ، 94.39 روپے اور 93.02 روپے فی لیٹر میں فروخت ہو رہا ہے۔ قابل ذکر بات یہ ہے کہ مئی اور جولائی کے درمیان پٹرول 11.52 روپے مہنگا ہو گیا ہے ، جبکہ ڈیزل گزشتہ 41 دنوں میں 9.08 روپے مہنگا ہو گیا ہے۔قابل ذکر ہے کہ بین الاقوامی مارکیٹ میں خام تیل کی مانگ میں کمی اس کی قیمتوں میں کمی کا باعث بنی ہے۔ برینٹ کروڈ اگست کے پہلے کاروباری دن 4.50 فیصد تک گر گیا۔