سرینگر:وزیر اعظم نریندر مودی نے کہا ہے کہ 5اگست کوبھارتی تاریخ میں 3خاص واقعات کیلئے یاد رکھا جائے گا۔انہوں نے کہا کہ دوسال قبل اسی روز سال 2019میں جموں وکشمیر کی دفعہ 370کے تحت خصوصی آئینی پوزیشن کو ختم کیا گیا ،ایک سال بعد اسی روز 2020میں رام مندر کا سنگ بنیاد رکھا گیا اور اس سال آج ہی کے دن بھارتی ہاکی ٹیم نے جرمنی کو اولمپک کھیلوں میں شکست دے کر چاندی تمغہ حاصل کرلیا۔ ایس این ایس کے مطابق وزیر اعظم نریندر مودی ویڈیو کانفرنسنگ کے ذریعے اتر پردیش کے پردھان منتری غریب کلیان ان یوجنا سے استفادہ کرنے والوں کے ساتھ تبادلہ خیال کررہے تھے۔انہوں نے کہا کہ ان کی حکومت لوگوں کی زندگی کو بہتر بنانے کیلئے ہر ممکن اقدام کررہی ہے۔وزیر اعظم نے کہا کہ یوپی کو ہمیشہ سیاست اور ترقی کے تناظر میں دیکھا گیاہے اور پردھان منتری غریب کلیان ان یوجنا کے تحت 15کروڑ یوپی عوام کو فائدہ پہنچ رہا ہے۔انہوں نے کہا کہ 5اگست بھارتی تاریخ کا اہم دن ہے کیونکہ اسی روز دوسال قبل جموں وکشمیر میں دفعہ 370اور 35-Aکو ہٹایا گیا جبکہ سال 2020میں اسی روز رام مندر کا سنگ بنیا د بھی رکھا گیا۔
