سرینگر:مرکزی وزیر دفاع راجناتھ سنگھ نے کہا ہے کہ ملک کی فوج کی تینوں ٹکڑیاں ہر طرح کے چیلنجز کا مقابلہ کرنے کیلئے با لکل تیار ہے ۔ انہوں نے کہا کہ چین ہو، پاکستان ہو یا اور کوئی ملک ہے ہم سے مقابلہ آسان نہیں ہوگا۔ سی این آئی مانیٹرنگ کے مطابق جموں کشمیر میں تعینات آرمڈ فورسز کیلئے ایک غیر سرکاری ادارہ کی جانب سے وقف کی گئی ایمبولنس کو ہری جھنڈی دکھانے کے بعد میڈیا سے بات کرتے ہوئے وزیر دفاع راجناتھ سنگھ نے کہا ہے بھارت کے فوج کی تینوں ٹکڑیاں ہمارے مضبوط دفاع کی عکاس ہے اور کوئی بھی ملک ہمارے آگے ٹک نہیں سکتا ۔ وزیر دفاع راجناتھ سنگھ نے آج اعتماد ظاہر کرتے ہوئے کہا کہ بحریہ کسی بھی چیلنج سے نمٹنے کے لئے پوری طرح تیار ہے اور اگر ضرورت پڑنے پر وہ اپنے سمندری بحری جہاز اور ہوائی جہاز کو کارروائی کے لئے فوری طورپر تعینات کرسکتی ہے۔ راجناتھ سنگھ نے وزیر دفاع نے کہا کہ ہندوستانی بحریہ نے خطے میں مفادات کی حفاظت اور سب کی ترقی کے لیے ‘ساگر’ مشن کے تحت جنگی جہاز اور طیارے کو حساس مقامات پر تعینات کیا۔ اس طرح کی تعیناتی کے ساتھ ، بحریہ نے ضرورت پڑنے پر بحر ہند کے خطے میں انسانی امداد اور راحت رسانی کے آپریشن انجام دیے اور بین الاقوامی سمندری خطے میں سلامتی کے لیے اپنا کردار ادا کیا۔
