نئی دہلی//دہلی سرکار نے کرونا وبائی امراض کی ممکنہ تیسری لہر سے نمٹنے کے لیے تیاریاں تیز کر دی ہیں۔ ان تیاریوں کی نگرانی کے لیے حکومت نے جمعہ کو اپنے 13 ہسپتالوں کے لیے نوڈل افسران مقرر کیے ہیں۔ان نوڈل افسران کو ہدایت دی گئی ہے کہ وہ بیڈ میں اضافہ ، ضروری انسانی وسائل کی فراہمی ، آکسیجن کی فراہمی ، مناسب ادویات کی خریداری اور ذخیرہ اور انجینئرنگ کا کامسمیت تمام تیاریوں کی فوری نگرانی شروع کریں۔ وہ پبلک ورکس ڈیپارٹمنٹ (PWD) اور متعلقہ ڈسٹرکٹ مجسٹریٹ جیسی ایجنسیوں کے ساتھ بھی رابطہ کریں گے۔ ان ہسپتالوں میں لوک نائیک ہسپتال ، گرو تیغ بہادر ہسپتال ، دین دیال اپادھیائے ہسپتال ، دیپ چند بندھو ہسپتال اور براری ہسپتال شامل ہیں۔محکمہ صحت کی جانب سے جاری ایک حکم میں کہا گیا ہے کہ کوویڈ 19 کی ایمرجنسی کے دوران متعلقہ نوڈل آفیسر ز انہیں سونپے گئے ہسپتال کے مجموعی انچارج ہوں گے، اور اس کے کام کاج پر عمومی نگرانی اور کنٹرول کا استعمال کریں گے ۔ ہسپتال اور ہسپتال کی انتظامیہ میڈیکل سپرنٹنڈنٹ/ منیجنگ ڈائریکٹر سے متعلق تمام فیصلوں کی منظوری حاصل کرے گی۔افسران سونپے گئے اسپتال میں بیٹھیں گے اور عملہ جاتCOVID-19 کی ہنگامی صورتحال میں ان کے معاون ہوں گے ۔گزشتہ کئی دنوں میں روزانہ کی تعداد میں کیسز میں کمی کے باوجود وزیر اعلیٰ اروند کجریوال نے عوام کو خبردار کیا تھا کہ کورونا کی تیسری لہر کا امکان بہت زیادہ ہے ، حالانکہ ان کی حکومت اس سے نمٹنے کے لیے جنگی بنیادوں پر تیاری کر رہی ہے۔خیال رہے کہ دہلی کو وبائی مرض کی دوسری شدید لہر کا سامنا کرنا پڑا تھا، جس میں شہر کے مختلف اسپتالوں میں آکسیجن کی قلت کی وجہ سے لوگوں کی ایک بڑی تعداد روزانہ کی بنیاد پر اپنی جان گنوا بیٹھی تھی ۔
