سرینگر:بھارتیہ فضائیہ کے سربراہ نے کہا ہے کہ ہم ایک ساتھ دو محاذوں پر لڑنے کیلئے تیار ہیں ۔ انہوںنے کہا کہ فضائیہ کسی بھی غیر ملکی جارحیت کا بھر پور جواب دینے کی صلاحیت رکھتی ہے اور ہم کسی بھی باہری طاقت کو ہمارے علاقے میں من منانی کرنے کی قطعی اجازت نہیں دیں گے ۔ کرنٹ نیوز آف انڈیا کے مطابق 89ویں یومِ فضائیہ کے موقع پر فوج سے خطاب کرتے ہوئے فضائیہ سربراہ نے کہا کہ باہری طاقتوں کو ملک کے علاقے میں گھسنے کی اجازت نہیں دی جائے گی۔ہندوستانی فضائیہ کی تیاریوں کا تذکرہ کرتے ہوئے ائیر چیف مارشل وی آر چودھری نے جمعہ کے روز کہا کہ باہری طاقتوں کو ملک کی سرحد کی خلاف ورزی نہیں کرنے دی جائے گی۔ 89ویں یوم فضائیہ کے موقع پر فوج کو خطاب کرتے ہوئے فضائیہ سربراہ نے کہا کہ ہم باہری طاقتوں کو ہمارے علاقے میں منمانی نہیں کرنے دیں گے۔ائیر چیف مارشل نے کہا کہ ’’میں آپ کو واضح سمت، اچھی قیادت اور بہترین وسائل فراہم کرنے کے لیے ہر ممکن کوشش کرنے کا وعدہ کرتا ہوں۔‘‘ انھوں نے فرائض کے دوران بہترین قربانی دینے والے شہید ہوئے فضائیہ کے اراکین کو بھی یاد کیا۔ فوج کی حصولیابیوں کی تعریف کرتے ہوئے اور مشرقی لداخ میں ترقی کی جانب اشارہ کرتے ہوئے انھوں نے کہا کہ گزشتہ سال پرسکون، چیلنج سے بھرپور لیکن بہت فائدہ مند رہا ہے۔وی آر چودھری نے اپنی بات کو آگے بڑھاتے ہوئے یہ بھی کہا کہ کسی واقعہ کے جواب میں فضائی افواج کی فوری کارروائی ہندوستانی فضائیہ کی جنگی جنون کا ثبوت ہے۔ انھوں نے جوانوں کی قابلیت، ہمت، عزم اور سخت محنت کی تعریف کرتے ہوئے کہا کہ کسی بھی قیمت پر ملک کی یکجہتی اور سالمیت کی حفاظت کرنا ان کا عین فریضہ ہے۔ انھوں نے ساتھ ہی کہا کہ ’’آپ کو وہ کرنا ہے جو یہ یقینی کرنے کے لیے ضروری ہے کہ ہم ملک کو مایوس نہ کریں۔‘‘
