نئی دہلی ، 17 اکتوبر: نائب صدر ایم ونکیا نائیڈو نے وسائل کی تقسیم پر زوردیتے ہوئے کہا کہ معاشرے کو غربت سے پاک بنانا ہمارا ہدف ہونا چاہئے۔اتوار کو یہاں غربت کے خاتمے کے عالمی دن کے موقع پر جاری اپنے ایک پیغام میں مسٹر نائیڈو نے کہا کہ سماج میں دستیاب وسائل کو یکساں طور پر بانٹا جانا چاہئے تاکہ غربت کا خاتمہ ہو سکے۔ انہوں نے کہا کہ اس سے معاشرے میں خوشحالی آ سکتی ہے۔مسٹر نائیڈو نے اپنے پیغام میں مہاتما گاندھی کے اس اقتباس کا بھی حوالہ دیا جس میں انہوں نے کہا تھا -’’غربت تشدد کی بدترین شکل ہے‘‘۔نائب صدر جمہوریہ نے کہا ’’غربت کے خاتمے کے عالمی دن کے موقع پر آئیے سب کے لیے معاش کے پائیدار ذرائع فراہم کرنے کی اجتماعی کوشش کریں۔ غربت سے پاک ایک مثالی اورخوشحال معاشرہ ہمارا ہدف ہے‘‘۔ (یو این آئی)
