پنجی: کانگریس کے سابق صدرراہول گاندھی نے گوا کے یک روزہ سیاسی دورے پر ہفتے کو یہاں پہنچ کر ویلسووا میں ماہی گیروں کے ایک جلسے سے خطاب کیا۔ گاندھی نے جنوبی گوا کے ویلسووا میں گاؤں ماہی گیر کمیونٹی کے لوگوں کے ساتھ بات چیت میں ان کے مسئلوں کو سنا۔ ان کے ساتھ گوا کانگریس کے صدر گریش چونڈاوکر اور مقامی رہنما موجود تھے ۔ اس دورے میں پنجی میں ان کا آزاد میدان میں شہید یادگار پر خراج عقیدت پیش کرنے کا پروگرام ہے ۔وہ شام کو یہاں شیاماپرساد مکھرجی اسٹیڈیم میں کانگریس پارٹی کے کارکنان کے ‘جاگور’ کانفرنس سے خطاب کریں گے ۔ ریاستی اسمبلی کے الیکشن اگلے سال شروع ہونے جارہے ہیں اور یہاں مختلف پارٹیوں کے بڑے رہنماؤں کی آمدورفت بڑھ گئی ہے ۔
