نئی دہلی، 08 نومبر: پارلیمنٹ کا سرمائی اجلاس 29 نومبر سے 23 دسمبر تک کووڈ پروٹوکول کے ساتھ منعقد ہوگا۔پارلیمنٹ کا سرمائی اجلاس گزشتہ سال کووِڈ وبا کی وجہ سے منعقد نہیں ہوسکا تھا، لیکن اس بار کووڈ پروٹوکول کے تحت منعقد کیا جائے گا۔ اس دوران دونوں ایوانوں کی تقریباً 20 میٹنگ ہوں گی۔ذرائع کے مطابق وزیر دفاع راج ناتھ سنگھ کی صدارت والی سیاسی امور کی کابینہ کمیٹی نے 29 نومبر سے 23 دسمبر تک سرمائی اجلاس طلب کرنے کی سفارش کی ہے۔پانچ ریاستوں میں ہونے والے اسمبلی انتخابات سے قبل ہونے والے اجلاس کےہنگامہ خیز ہونے کی امید ہے کیونکہ حکومت کے خلاف اپوزیشن مہنگائی، کسانوں کی تحریک، لکھیم پور کیس، پیگاسس جاسوسی معاملہ اور دیگر معاملوں پر حکومت کو گھیرنے کی کوشش کرے گی۔ (یو این آئی)
