نئی دہلی: کانگریس کی اتر پردیش کی انچارج جنرل سکریٹری پرینکا گاندھی نے کہا ہے کہ کسانوں پر ایک سال کے مظالم اور جبر کے بعد، مودی حکومت کو حالیہ ضمنی انتخابات میں ذلت آمیز شکست کے بعد کسانوں کی طاقت کا احساس ہوا۔ اس لیے اب اس ظالم حکومت کی نیت پر بھروسہ نہیں کیا جا سکتا۔محترمہ گاندھی نے جمعہ کو کہا کہ وزیر اعظم نریندر مودی لکھنؤ گئے لیکن وہاں سے کچھ ہی دوری پر جہاں کسان کے بیٹے کو مرکزی وزیر کے بیٹے نے اپنی کار میں روند ڈالا، اس کسان کے کے زخم پر مرہم لگانے کے لیے اس کے گھر نہیں گئے اور نہ ہی اب تک کسان کے بیٹے کو کچلنے کے ملزم باپ کو کابینہ سے ہٹایا گیا ہے ، اس لیے اب اس پر یقین کرنا بہت مشکل ہے ۔محترمہ گاندھی نے کہا ‘‘چھ سو سے زیادہ کسانوں کی شہادت، 350 دنوں سے زیادہ کی جدوجہد۔ مودی جی آپ کے وزیر کے بیٹے نے کسانوں کو کچل کر موت کے گھاٹ اتار دیا، آپ کو کوئی پروا نہیں تھی۔ آپ کی پارٹی کے لیڈروں نے کسانوں کی توہین کی اور انہیں دہشت گرد، غدار، غنڈے ، شرپسند کہا، آپ نے خود کو تحریک چلانے والا کہا، ان پر لاٹھیاں برسائیں، انہیں گرفتار کیا۔ اب آپ کو الیکشن میں شکست نظر آنے لگی، پھر اچانک آپ کو اس ملک کی حقیقت سمجھ میں آنے لگی کہ یہ ملک کسانوں نے بنایا ہے ، یہ ملک کسانوں کا ہے ، کسان ہی اس ملک کا اصل نگران ہے اور کوئی نہیں۔ حکومت اس ملک میں کسانوں کے مفاد کو کچل کر اس ملک کو نہیں چلا سکتی۔ آپ کی نیت اور لدلتے ہوئے رخ پر یقین کرنا مشکل ہے ۔ کسان کی ہمیشہ جے ہوگی۔ جئے جوان، جئے کسان، جئے بھارت۔یو این آئی
