نئی دہلی:وزیراعظم نریندر مودی کی سکیورٹی میں بدھ کے روز ہوئی چوک کے معاملے پر کانگریس کی صدر سونیا گاندھی نے پنجاب کے وزیراعلیٰ چرنجیت چنّی سے آج فون پر بات چیت کی اور اس معاملے میں ان سے تفصیلات طلب کیں۔ذرائع کے مطابق محترمہ گاندھی نے مسٹر چنی کو بتایا کہ نریندر مودی پورے ملک کے وزیر اعظم ہیں۔ کیورٹی میں کوتاہی کے لئے جو بھی ذمہ دار ہیں، ان کے خلاف سخت سے سخت کارروائی ہونی چاہئے اور اس پورے معاملے میں کسی بھی طرح کی کوئی لاپرواہی نہیں برتی جانی چاہئے۔محترمہ گاندھی کے سخت موقف کو دیکھتے ہوئے مسٹر چنی نے معاملے کی جانچ کے لیے ایک اعلیٰ سطحی کمیٹی تشکیل دی ہے اور کمیٹی کو تین دن میں اپنی رپورٹ پیش کرنے کے لئے کہا ہے۔کانگریس کے ترجمان پون کھیڑا نے بھی آج اسی انداز میں پریس کانفرنس کی لیکن شام ہوتے ہوتے کانگریس صدر نے معاملے کی سنجیدگی کے پیش نظر وزیراعلیٰ سے فون پر بات کی اور پورے واقعہ کا جائزہ لیا۔
